جەتىسۋ وبلىسىندا 17 جىل حالىقارالىق ىزدەۋدە بولعان كۇدىكتى ۇستالدى، - دەپ حابارلايدى aqshamnews.kz ءتىلشىسى.
"تالدىقورعاندا پوليسەيلەر رەسپۋبليكالىق "قۇقىقتىق ءتارتىپ" اكسياسى اياسىندا جۇرگىزىلگەن جەدەل-ىزدەستىرۋ ءىس-شارالارى بارىسىندا قۇقىق قورعاۋ ورگاندارىنان ۇزاق جىل بويى جاسىرىنعان 54 جاستاعى قازاقستان رەسپۋبليكاسىنىڭ ازاماتىن ۇستادى"، - دەپ جازىلعان حابارلامادا.
پوليسيا مالىمەتىنشە، ەر ادام 2008 جىلعى 15 مامىردان باستاپ ەسىرتكى قىلمىسىمەن اينالىسقانى ءۇشىن حالىقارالىق ىزدەۋدە بولعان. مۇنداي ارەكەت ءۇشىن 10-15 جىلعا دەيىن باس بوستاندىعىنان ايىرۋ جازاسى قاراستىرىلعان.
ۇستالعان ەر ادامعا پوليسەيلەر ءتيىستى شارا قولدانىپ جاتىر. بۇل ءىس بويىنشا بارلىق جاعداي تەرگەۋ بارىسىندا مۇقيات تەكسەرىلەدى.
پوليسيا قىزمەتكەرلەرى زاڭ مەن ءتارتىپ ءار ازاماتتىڭ ۇستانۋعا ءتيىس قاعيداسى ەكەنىن، ءار ادام جاساعان قىلمىسى ءۇشىن جاۋاپقا تارتىلاتىنىن ەسكەرتتى.