جەتىسۋ كاسىپكەرى فورەل شارۋاشىلىعىن دامىتۋدى قولعا الدى

ول جىل سايىن التى مىڭ توننادان اسا تاۋارلى بالىق ءتۇرىن الادى.

الماتى وبلىسىندا بالىق شارۋاشىلىعى دا دامىپ كەلەدى. بۇل وڭىردە بالىق وسىرۋگە ماماندانعان 24 بالىق شارۋاشىلىق سۋبەكتىسى بار، دەپ حابارلايدى Almaty-akshamy.kz. 

رەسمي مالىمەت بويىنشا، بالىق شارۋاشىلىعىمەن شۇعىلداناتىن كاسىپورىندار وتكەن جىلى 943 توننا بالىق وسىرسە، وسى جىلدىڭ 8 ايىندا مەملەكەتتىك قولداۋدىڭ ارقاسىندا بالىق شارۋاشىلىعى سالاسىندا سۋبسيديالار تۇرىندە ولار 3 مىڭ توننادان استام دايىن ءونىم الدى. 

«ماماندىعى بويىنشا ينجەنەر-مەحانيك ەرسايىن كوبەنقۇلوۆ ۇزاق ۋاقىت الماتى قالاسىندا جۇمىس ىستەگەن. اراعا ۋاقىت سالا، تۋعان ولكەگە ورالىپ، مال شارۋاشىلىعىمەن اينالىسۋعا شەشىم قابىلداعان»، – دەلىنگەن الماتى وبلىسى اكىمدىگىنىڭ باسپا ءسوز قىزمەتىنىڭ حابارلاماسىندا. 

ءوز كاسىبىن دوڭگەلەنتۋ ءۇشىن جاس كاسىپكەر الدىمەن «ەڭبەك» مەملەكەتتىك باعدارلاماسى اياسىندا جۇزەگە اساتىن «باستاۋ بيزنەس» جوباسى بويىنشا كاسىپتىڭ قىر-سىرىن مەڭگەرگەن. وقۋىن اياقتاعان سوڭ بولاشاق كاسىپكەر جوباسىن قورعاپ، تۋعان مەكەنى كەگەن اۋدانىنا قاراستى تالدى اۋىلىندا جوبانى جۇزەگە اسىرا باستاعان. 

ەرسايىن بىرنەشە مىڭ فورەل شاباعىن بۇلاق جانىنان سالىنعان باسسەينگە جىبەرەدى. بۇل ونىڭ قازىرگى تابىستى كاسىبىنىڭ باستاۋى بولدى. 

«سۋ تەمپەراتۋراسى، اۋىلدىڭ كليماتى فورەلدى وسىرۋگە مۇمكىندىك بەردى. «ەڭبەك» مەملەكەتتىك باعدارلاما اياسىندا الىنعان 4 ملن تەڭگە جەڭىلدەتىلگەن نەسيە جاقسى باستاما بولدى. بۇل سوماعا بالىق وسىرۋگە ارنالعان ارنايى باسسەيندەر تۇرعىزىلىپ، ارنايى قۇرال-جابدىق پەن جەم ساتىپ الىندى. بالىقتى ساتىلىمعا شىعارۋ ءۇشىن 6 ايدان اسا ۋاقىت كەتەدى. جىلىنا 2 رەت، ءساۋىر-مامىر ايلارىندا، ارى قاراي دامىتۋعا بولاتىن فورەل ءتۇرىن الامىز»، - دەيدى كاسىپكەر.