قورقىتۋ ارقىلى اقشا بوپسالاعان ەر ادام ۇستالدى
ايەل ادامنان 12 ميلليون تەڭگە اقشا بوپسالاعان ەر ادام ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كريمينالدىق پوليسيا قىزمەتكەرلەرىنىڭ ايتۋىنشا، اقشا تابۋدىڭ بۇل ءادىسىن «شاڭىراق» ىقشاماۋدانىنىڭ تۇرعىنى، 40 جاستاعى ەر ادام قولدانعان. ونىڭ بۇعان دەيىن دە بوتەننىڭ مۇلكىن ۇرلاعانى ءۇشىن قىلمىستىق جاۋاپكەرشىلىككە تارتىلعانى انىقتالدى.
«پوليسياعا 23 جاستاعى ن.ەسىمدى قىز جۇگىندى، ول اناسىنىڭ تانىسى الەۋمەتتىك جەلىگە ينتيمدىك سيپاتتاعى سۋرەتتەر مەن بەينەلەردى ورنالاستىرامىن دەپ قورقىتىپ، بوپسالاۋ ارقىلى 12 ميلليون تەڭگە تالاپ ەتىپ وتىرعانىن ايتتى. بۇل فاكت ق ر قك-نىڭ 194-بابى 3ء-بولىمى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە تىركەلدى. جەدەل ىزدەستىرۋ ءىس-شارالارى بارىسىندا كۇدىكتى ۇستالدى جانە ۋاقىتشا ۇستاۋ يزولياتورىنا قامالدى. ول بۇل زاڭسىز ارەكەتتەرىنىڭ ناتيجەسىندە تانىسىنان سۇرالعان سومانىڭ ءبىر بولىگىن العاندىعىن مويىندادى. تەرگەۋ جالعاسۋدا»، – دەدى الماتى قالاسى پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.