بۇگىن اۋدان حالقىمەن كەزدەسكەن ەربولات دوسايەۆ وسىنداي ۋادە بەردى.
بۇگىندە 2 500 ابونەنتتى جاڭا جەلىلەرگە قوسۋ جۇمىستارى ءجۇرىپ جاتىر، دەپ حابارلايدى Almaty-akshamy.kz
«وتكەن جىلى پروبلەمالاردىڭ ءبىرى شەشىلىپ، رابوچيي (جۇمىسشى) كەنتىندەگى 22 كوشەدەگى 47 كم استام (47،6 كم) سۋمەن قامتۋ (37،5 كم) جانە سۋ بۇرۋ (10،1 كم) جەلىلەرى «الماتى سۋ» كوممۋنالدىق مەملەكەتتىك كاسىپورنىنىڭ بالانسىنا بەرىلدى. ولار 2019 جىلى رەكونسترۋكسيادان وتكەن بولاتىن. ءبىراق مەردىگەردىڭ انىقتالعان اقاۋلاردى جويۋى قاجەت بولعاندىقتان، بالانسقا بەرۋ بىرنەشە جىلعا سوزىلدى. بۇگىندە 2 500 ابونەنتتى جاڭا جەلىلەرگە قوسۋ جۇمىستارى اتقارىلۋدا»، - دەدى قالا باسشىسى.
سونىمەن قاتار، 2022 جىلى 14،5 كم سۋمەن قامتۋ (11،9 كم) جانە سۋ بۇرۋ (2،6 كم) جەلىسى رەكونسترۋكسيالاندى.
«بيىل، وزدەرىڭىزگە ۋادە ەتكەندەي، 2 ۇلكەن جوبانى باستاۋدى جوسپارلاپ وتىرمىز. اتاپ ايتقاندا، ولار – اۋداننىڭ 68 كوشەسىندەگى سۋمەن جابدىقتاۋ جەلىسىن مودەرنيزاسيالاۋ جانە سۋ بۇرۋ جەلىسىن جۇرگىزۋ (25،6 كم. سۋمەن جابدىقتاۋ، 72 كم. سۋ بۇرۋ). مەردىگەر انىقتالدى، دايىندىق جۇمىستارى جۇرگىزىلۋدە، قۇرىلىس-مونتاجداۋ جۇمىستارىن ءساۋىر ايىندا باستاپ، 2024 جىلدىڭ ءىى توقسانىندا اياقتاۋ جوسپارلانعان. سونداي-اق، وسى جىلدىڭ ناۋرىز ايىندا "كەمەل" شاعىناۋدانىنىڭ 33 كوشەسىندە تاراتۋشى جەلىنى سالۋعا كونكۋرس اياقتالادى (75،6 كم). قۇرىلىس-مونتاجداۋ جۇمىستارى 2023 جىلدىڭ مامىر ايىندا باستالادى دەپ كۇتىلۋدە»، - دەدى اكىم.
بۇل جوبالاردى ىسكە اسىرۋ جەتىسۋ اۋدانىنداعى 10 مىڭنان استام ابونەنتتى ساپالى سۋمەن جانە كاناليزاسيامەن قامتاماسىز ەتۋگە مۇمكىندىك بەرەدى.