جەتىسۋ اۋدانىندا جول جابىنىنىڭ جاي-كۇيى قانداي؟

الماتى اكىمى جەتىسۋ اۋدانى تۇرعىندارىمەن كەزدەستى. 

جول جابىنىنىڭ جاي-كۇيى اۋداننىڭ بارلىق  تۇرعىندارىن تولعاندىراتىن وزەكتى ماسەلە بولىپ وتىر. بىلتىر اكىمدىك ۇزىندىعى 26 كم-دەن اساتىن 22 كوشەگە ورتاشا جوندەۋ جۇرگىزدى، دەپ حابارلايدى Almaty-akshamy.kz.

«2023 جىلى اۋا رايى قولايلى بولعان كەزدە، وسى جۇمىستاردى جالعاستىرامىز. 25 كم جولعا (28 كوشە) ورتاشا جوندەۋ جۇرگىزۋدى جوسپارلاپ وتىرمىز. قوعامدىق كولىك قىزمەتتەرىنىڭ ساپاسىن جاقسارتۋ – ءبىزدىڭ باستى ماقساتىمىز. 2022 جىلى اسا سۇرانىسقا يە 8 مارشرۋتتىڭ (№40، 41، 70، 135، 52، 56، 69، 80) جىلجىمالى قۇرامى، جالپى سانى 117 جاڭا اۆتوبۋس تولىعىمەن جاڭارتىلدى. بيىل ءبىز جاڭا اۆتوبۋستاردى ساتىپ الۋ بارىسىندا پاركتى جاڭارتۋ جانە جەكەلەگەن مارشرۋتتاردى كوبەيتۋدى جالعاستىرۋدى جوسپارلاپ وتىرمىز»، - دەدى قالا اكىمى ە.دوسايەۆ.

 «مەكتەپ اۆتوبۋسى» جوباسى اياسىندا جەتىسۋ اۋدانىنان مەكتەپ وقۋشىلارىن تاسىمالداۋعا اسا مۇقتاج 4 مەكتەپ تاڭداپ الىندى. بۇل - № 80، 87، 112 جانە 193 مەكتەپتەر. وسى ماقساتتارعا ارنايى 16 اۆتوبۋس بولىنەدى، ونىڭ 3-ەۋى وسى ناۋرىز ايىندا بالالاردى تاسىمالداۋدى باستايدى.