الماتىنىڭ جەتىسۋ اۋدانىندا 65 اۆتوبۋس ناۋرىز ايىنىڭ سوڭىنا دەيىن جاڭاسىنا اۋىستىرىلادى
الماتى اكىمى ەربولات دوسايەۆ جەتىسۋ اۋدانىنىڭ تۇرعىندارىمەن كەزدەسۋدە بايانداما جاساپ، اۋدانداعى جول-كولىك ينفراقۇرىلىمىنداعى دامۋدىڭ وڭ ديناميكاسىن اتاپ ءوتتى.
ونىڭ ايتۋىنشا، 2023 جىلى تۇرعىنداردىڭ ءوتىنىشى بويىنشا اۆتوبۋس مارشرۋتتارىنىڭ ءبىر بولىگى تۇزەتىلىپ، ۇزارتىلدى، سونداي – اق قاراشا ايىندا مەترونىڭ "رايىمبەك باتىر" ستانسياسىنان الماتى وبلىسىنىڭ ىلە اۋدانىنداعى "Gate City" تك-نە دەيىن قاتىنايتىن ينتەرۆال ارالىعى 8 مينۋتتىق جاڭا №89 قالالىق باعىت ىسكە قوسىلدى.
2023 جىلدىڭ قورىتىندىسى بويىنشا 12 مارشرۋت جولاۋشىلاردىڭ جايلىلىعى ءۇشىن قوسىمشا جىلجىمالى بىرلىكتەرمەن – 51 اۆتوبۋسپەن كۇشەيتىلدى جانە 11 مارشرۋتتا 131 اۆتوبۋس تولىعىمەن جاڭارتىلدى.
"اعىمداعى جىلدىڭ ناۋرىز ايىنىڭ سوڭىنا دەيىن 3 مارشرۋتتا جايلىلىقتى ارتتىرۋ ءۇشىن 65 جاڭا اۆتوبۋس ەسەبىنەن جىلجىمالى قۇرامدى تولىعىمەن جاڭارتۋ جوسپارلانۋدا"، – دەپ ناقتىلادى ءسوزىن ەربولات دوسايەۆ.