2024 جىلى الماتىنىڭ جەتىسۋ اۋدانىندا مەكتەپكە 500 ورىندىق قوسىمشا عيماراتتىڭ قۇرىلىسى اياقتالادى
بۇل تۋرالى جەتىسۋ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ مالىمدەدى. قالا باسشىسى بىلتىر وقۋشى ورىندارىنىڭ تاپشىلىعىن ودان ءارى ازايتۋ ءۇشىن «قۇلاگەر» شاعىن اۋدانىنداعى №148 مەكتەپ-گيمنازياسىنا قوسىمشا قۇرىلىس سالىنعانىن، №80 مەكتەپتە سەيسميكالىق كۇشەيتۋمەن كۇردەلى جوندەۋ جۇمىستارى جۇرگىزىلگەنىن اتاپ ءوتتى.
«2024 جىلى №103 مەكتەپكە 200 ورىندىق، №112 مەكتەپكە 300 ورىندىق قوسىمشا قۇرىلىستاردى اياقتاۋ بويىنشا جۇمىستار جالعاسىپ جاتىر. «جايلى مەكتەپ» ۇلتتىق جوباسى اياسىندا 1200 ورىندىق جاڭا مەكتەپتىڭ قۇرىلىسى باستالادى»، - دەدى ەربولات دوسايەۆ.
سونىمەن قاتار، وسى جىلدىڭ مامىر ايىندا «اينابۇلاق» شاعىن اۋدانىندا 160 ورىندىق بالاباقشا اشۋ جوسپارلانعانا. قۇرىلىس اياقتالدى، عيمارات العاشقى كەلۋشىلەردى قابىلداۋعا دايىندالىپ جاتىر.
2024-2025 جاڭا وقۋ جىلىنىڭ باستالۋىمەن جەتىسۋ اۋدانىندا 2 قوسىمشا مەكتەپ اۆتوبۋسى قاتىناي باستايدى. جوبا بىلتىر بالالاردىڭ قوزعالىس قاۋىپسىزدىگىن قامتاماسىز ەتۋ ءۇشىن ىسكە قوسىلدى: ءقازىر جەتىسۋ اۋدانىنا 6 مەكتەپتەن بالالاردى تاسىمالدايتىن 23 اۆتوبۋس قىزمەت كورسەتەدى.