2025 جىلعى 21 ءساۋىر كۇنى جەتىسۋ اۋدانىنىڭ اكىمدىگى، جەتىسۋ اۋدانىنىڭ پوليسيا دەپارتامەنتى جانە جەتىسۋ اۋدانىنىڭ كوميۋنيتي ورتالىعى بىرلەسىپ، «زاڭ جانە ءتارتىپ» اكسياسى اياسىندا كەشكى رەيدتىك شارا وتكىزدى.
اتالعان رەيدتىڭ باستى ماقساتى — ساعات 22:00-دەن كەيىن كوشەدە جۇرگەن كامەلەتكە تولماعان جاسوسپىرىمدەرمەن ءتۇسىندىرۋ جۇمىستارىن جۇرگىزۋ، ولاردىڭ قاۋىپسىزدىگىن قامتاماسىز ەتۋ جانە قۇقىقبۇزۋشىلىقتىڭ الدىن الۋ.
شارا بارىسىندا تۇنگى ۋاقىتتا زاڭدى وكىلدەرىنىڭ قاراۋىنسىز جۇرگەن جاسوسپىرىمدەرگە قاتىستى قازاقستان رەسپۋبليكاسىنىڭ زاڭنامالارى ءتۇسىندىرىلىپ، پروفيلاكتيكالىق اڭگىمەلەر جۇرگىزىلدى. قۇقىقتىق ساۋاتتىلىقتى ارتتىرۋ جانە قۇقىقبۇزۋشىلىقتىڭ الدىن الۋ بويىنشا ماڭىزدى اقپاراتتار بەرىلدى.
وسىنداي رەيدتىك شارالار بالالار مەن جاسوسپىرىمدەردىڭ قاۋىپسىزدىگىن قامتاماسىز ەتۋگە باعىتتالعان جانە بولاشاقتا دا تۇراقتى تۇردە جالعاسىن تاباتىن بولادى.
جاستاردىڭ قاۋىپسىزدىگى — باستى نازاردا!
جەتىسۋ اۋدانىنىڭ كوميۋنيتي ورتالىعى — بۇل تۇرعىنداردىڭ ءوزارا بايلانىسىن نىعايتۋعا، الەۋمەتتىك باستامالاردى قولداۋعا جانە جەرگىلىكتى قوعامداستىقتىڭ ءومىر ساپاسىن ارتتىرۋعا باعىتتالعان زاماناۋي الاڭ.
ورتالىقتا ءتۇرلى جاس ساناتىنداعى تۇرعىندار ءۇشىن الەۋمەتتىك، مادەني جانە ءبىلىم بەرۋ ءىس-شارالارى وتكىزىلەدى. جاستارعا ارنالعان ترەنينگتەر مەن كۋرستار، ارداگەرلەرمەن كەزدەسۋ، پسيحولوگيالىق جانە قۇقىقتىق كومەك كورسەتۋ – ورتالىقتىڭ باستى باعىتتارىنىڭ ءبىر بولىگى عانا.
كوميۋنيتي ورتالىعى — تۇرعىنداردىڭ بىر-بىرىمەن تاجىريبە الماساتىن، قولداۋ تاباتىن جانە جاڭا مۇمكىندىكتەر اشاتىن ورنى.