جەتىسۋ اۋدانىندا ءۇش ەمحانا سالىنادى

بۇل تۋرالى قالا باسشىسى ەربولات دوسايەۆ اۋدان حالقىمەن كەزدەسۋدە مالىمدەدى، دەپ حابارلايدى اlmaty-akshamy.kz.

اۋداندا باستاپقى مەديسينالىق-سانيتارلىق كومەك وبەكتىلەرىنىڭ تاپشىلىعى قاتتى سەزىلۋدە. وسى ماسەلەلەردى شەشۋ ءۇشىن ءبىز كەلەسى شارالاردى ىسكە اسىرامىز. وسى جىلدىڭ ماۋسىم ايىندا "كەمەل" شاعىناۋدانىندا اۋىسىمىنا 200 ادام قابىلدايتىن وتباسىلىق-دارىگەرلىك امبۋلاتوريا پايدالانۋعا بەرىلەدى.

وتكەن كەزدەسۋلەردە ايتىپ وتكەنىمدەي، اۋدان اكىمدىگى وماروۆ كوشەسىندە 200 كەلۋشىگە، نۇسىپبەكوۆ كوشەسىندە 300 كەلۋشىگە جانە رابوچيي پوسەلكەسىندە اۋىسىمىنا 240 كەلۋشىگە ارنالعان ەمحانالار ءۇشىن 3 عيمارات ساتىپ الدى.

وسى جىلدىڭ ماۋسىم ايىندا نۇسىپبەكوۆ جانە وماروۆ كوشەلەرىندەگى عيماراتتاردى كۇردەلى جوندەۋ جۇمىستارىنا كونكۋرس جاريالايمىز. جوندەۋدى وسى جىلدىڭ تامىز ايىندا باستاپ، 2024 جىلدىڭ ناۋرىز ايىندا اياقتاۋدى جوسپارلاپ وتىرمىز. 2024 جىلدىڭ II توقسانىنا پايدالانۋعا بەرىلەدى.

رابوچيي پوسەلكەسىندە عيمارات بويىنشا ساتىپ الۋ شارتى جاسالدى. ەمحانانى وسى جىلدىڭ IV توقسانىندا جوندەۋ جۇمىستارى مەن جابدىقتار ساتىپ الىنعاننان كەيىن اشۋ جوسپارلانۋدا.