277 ادام ەۆاكۋاسيالانعان
ۇكىمەت وتىرىسىندا اباي وبلىسىنىڭ اكىمى نۇرلان ۇرانحايەۆ وڭىردەگى ءورت تۋرالى ايتتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
«ءورتتى ءسوندىرۋ جۇمىستارى جۇرگىزىلۋدە. ءورتتى سوندىرۋگە باتپاقتى جەرلەر اۋىر تەحنيكانىڭ قوزعالىسىنا كەدەرگى كەلتىرىپ جاتىر. ءورت 3500 گەكتار جەردى شارپىدى. بۇگىن بورودۋليحا اۋدانى بويىنشا توتەنشە جاعداي جاريالانادى. قازىرگى ۋاقىتتا ەلدى مەكەندەرگە ءقاۋىپ ءتونىپ تۇرعان جوق. دەگەنمەن ساقتىق شارالارى ماقساتىندا 277 ادام تۋىستارىنىڭ ۇيىنە ەۆاكۋاسيالاندى. پوليسيا قىزمەتكەرلەرى ەۆاكۋاسيالاۋ ورنىندا باقىلاۋ جۇرگىزۋدە. بورودۋليحا اۋدانىندا 331 ورىندىق ءۇش ەۆاكۋاسيالىق ورىن جاساقتالدى»، - دەدى ۇرانحايەۆ.
ول ءورت ءسوندىرۋ باقىلاۋدا تۇرعانىن ايتتى.
ايتا كەتەرلىگى، ءورتتى سوندىرۋگە 201 تەحنيكا، 8 تىكۇشاق، ءبىر پويىز جانە 852 ادام جۇمىلدىرىلعان.