بۇل كەشەندەرگە كۇن سايىن 700-گە جۋىق بالا بارا الادى.
بۇگىن اۋدان حالقىمەن كەزدەسكەن قالا باسشىسىنىڭ ايتۋىنشا، "كەمەل"، "اينابۇلاق" جانە "قۇلاگەر" شاعىناۋداندارىندا 3 دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالدى، دەپ حابارلايدى Almaty-akshamy.kz
وقۋشى ورىندارىنىڭ تاپشىلىعىن ازايتۋ ماقساتىندا (1،6 مىڭ ورىن) جەتىسۋ اۋدانىنداعى ءتورت مەكتەپكە قوسىمشا قۇرىلىس سالۋ، سونداي-اق ەكى مەكتەپكە كۇردەلى جوندەۋ جۇمىستارى جۇرگىزىلۋدە.
بۇگىنگى تاڭدا №148 جانە №112 مەكتەپتەردىڭ ءارقايسىسىن 300 ورىنعا كەڭەيتۋ، سونداي-اق №101 مەكتەپكە ءماجىلىس زال قوسىپ سالۋ ءۇشىن مەملەكەتتىك ساراپتاما قورىتىندىسى الىندى.
بيىلعى قىركۇيەك ايىنىڭ سوڭىنا دەيىن №103 مەكتەپكە 200 ورىندىق قوسىمشا قۇرىلىس سالۋ ءۇشىن تاعى ءبىر ساراپتاما الىناتىن بولادى.
2023 جىلدىڭ Iءو توقسانىندا بارلىق 4 وبەكت بويىنشا قۇرىلىستى باستاۋ جوسپارلانعان.
بيىلعى قىركۇيەك ايىنىڭ سوڭىنا دەيىن №129 مەكتەپتى كۇردەلى جوندەۋ تولىق اياقتالادى. №80 مەكتەپتى كۇردەلى جوندەۋ جۇمىستارى باستالىپ، كەلەسى وقۋ جىلى باستالعانعا دەيىن اياقتالادى.
مەكتەپكە دەيىنگى ۇيىمداردا ورىن تاپشىلىعىن ازايتۋ ءۇشىن وسى جىلدىڭ شىلدە ايىندا «اينابۇلاق-4» شاعىن اۋدانىندا 160 ورىندىق بالاباقشانىڭ قۇرىلىسى باستالدى. قۇرىلىستى كەلەسى جىلدىڭ ماۋسىم ايىندا اياقتاۋ جوسپارلانىپ وتىر.
راتۋشنىي – قازىبايەۆ – سەرىكوۆ - رىسقۇلوۆ كوشەلەرىنىڭ شەگىندە تۇراتىن تۇرعىندار ءۇشىن بيىلعى جىلدىڭ ماۋسىم ايىندا جەكە مەنشىكتە بولعان ەكى قاباتتى اكىمشىلىك عيمارات ساتىپ الىندى. قازىرگى ۋاقىتتا كۇردەلى جوندەۋ جۇرگىزۋگە جوبالاۋ-سمەتالىق قۇجاتتاما ازىرلەنىپ جاتىر. جوبالاۋ وسى جىلدىڭ جەلتوقسان ايىندا اياقتالادى. قۇرىلىس 2023 جىلدىڭ ءى توقسانىندا باستالادى.
مەديسينالىق قىزمەت كورسەتۋ ساپاسىن جاقسارتۋ جانە ونىڭ جاقىن جەردەن كورسەتىلۋىن قامتاماسىز ەتۋ ءۇشىن جەتىسۋ اۋدانىندا 3 دەنساۋلىق ساقتاۋ وبەكتىسى بويىنشا جۇمىس جۇرگىزىلۋدە.
بيىل تامىز ايىندا 500 كەلۋشىگە ارنالعان، ياعني وماروۆ كوشەسىندە 200 كەلۋشىگە جانە نۇسىپبەكوۆ كوشەسىندە 300 كەلۋشىگە ارنالعان ەمحانالاردى ورنالاستىرۋ ءۇشىن
2021 جىلى ساتىپ الىنعان 2 عيماراتقا كۇردەلى جوندەۋ جۇرگىزۋ ءۇشىن جوبالاۋ-سمەتالىق قۇجاتتامانى ازىرلەۋ باستالدى. ازىرلەۋ جۇمىستارىن وسى جىلدىڭ سوڭىنا دەيىن اياقتاۋدى جوسپارلاپ وتىرمىز. قۇرىلىس-مونتاجداۋ جۇمىستارىن 2023 جىلى باستاۋ جوسپارلانعان.
وسى جىلدىڭ سوڭىنا دەيىن "كەمەل" شاعىناۋدانىنداعى 200 كەلۋشىگە ارنالعان وتباسىلىق-دارىگەرلىك امبۋلاتوريا سالىنىپ بىتەدى.
"كەمەل"، "اينابۇلاق" جانە "قۇلاگەر" شاعىناۋداندارىندا 3 دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالدى.
اعىمداعى جىلدىڭ قازان ايىندا تەگىن ۇيىرمەلەر مەن سەكسيالارعا بالالاردى قابىلداۋ باستالادى. بۇل كەشەندەرگە كۇن سايىن 700-گە جۋىق بالا بارا الادى.