بۇل تۋرالى الماتى قالاسىنىڭ اكىمى ە. دوسايەۆ جەتىسۋ اۋدانىنىڭ تۇرعىندارىمەن كەزدەسۋىندە ايتتى دەپ حابارلايدى almaty-akshamy.kz
«حالىق قاتىساتىن بيۋدجەت» باعدارلاماسى بويىنشا وسى جىلدىڭ باسىنان بەرى 8 جوبا ىسكە اسىرىلدى. 3 اۋلا الاڭىنا، 2 سكۆەرگە جوندەۋ جۇرگىزىلدى، قۇلاگەر شاعىن اۋدانىنداعى ارباتتى بالالار ويىن كەشەندەرىمەن تولتىرۋ اياقتالدى، 2 جاڭا جاياۋ جۇرگىنشىلەر ايماعى قۇرىلدى.
بيىل قازان ايىنىڭ سوڭىنا دەيىن تاعى 13 جوبا اياقتالادى. ۇزىندىعى شامامەن 1 شاقىرىم بولاتىن 2 جاڭا جاعالاۋ (ەسەنتاي وزەنىنىڭ بويىمەن چەرنوۆسكايا كوشەسى جانە قاراسۋ وزەنىنىڭ بويىمەن وماروۆ كوشەسى)، قۇلاگەر شاعىن اۋدانىندا ۇزىندىعى 40 م جانە بيىكتىگى 4 م بولاتىن بارلىق ماۋسىمعا جارامدى سىرعاناق، «رابوچيي پوسولوكتا» جاڭا دەمالىس ايماعى سالىنادى جانە 9 اۋلا جوندەلىپ، جاڭا بالالار الاڭدارى ورناتىلادى.
سونىمەن قاتار، اعىمداعى جانە كۇردەلى جوندەۋ جۇمىستارى شەڭبەرىندە وسى جىلدىڭ قاراشا ايىندا جالپى ۇزىندىعى 1،6 شاقىرىم بولاتىن تاعى 2 جاعالاۋ پايدا بولادى. بيىلعى 26 مامىردا تۇرعىندار اينابۇلاق-1، اينابۇلاق-3 شاعىن اۋداندارىنداعى
2 سكۆەردى جانە قۇلاگەر شاعىن اۋدانىنداعى پاركتى جوندەۋ تۋرالى ماسەلە كوتەرگەن. تۇرعىندار جارىقتىڭ ناشارلىعى مەن سۋارۋ جۇيەسىنىڭ جوقتىعىنا شاعىمداندى. بۇگىنگى تاڭدا اينابۇلاق-1 جانە اينابۇلاق-3 شاعىن اۋداندارىندا سكۆەرلەردى اعىمداعى جوندەۋ جۇمىستارى اياقتالىپ قالدى. گۇلدەر پاركىندە جوندەۋ ءجۇرىپ جاتىر.
قۇلاگەر شاعىن اۋدانىنداعى سكۆەردە سۋارۋ جۇيەسىن جانە سىرتقى جارىق جەلىلەرىن رەكونسترۋكسيالاۋ جۇمىستارى ءجۇرىپ جاتىر. جۇمىستاردى وسى قىركۇيەك ايىنىڭ سوڭىنا دەيىن اياقتاۋ جوسپارلانعان.