كەشەننىڭ قۋاتى – اۋىسىمىنا 94 ادام
12 ناۋرىزدا جەتىسۋ اۋدانىنىڭ كەمەل شاعىن اۋدانىندا مەملەكەت باسشىسى جاريالاعان بالالار جىلى اياسىندا «كەمەل» دەنە شىنىقتىرۋ-ساۋىقتىرۋ كەشەنىنىڭ اشىلۋى ءوتتى، دەپ حابارلايدى Almaty-akshamy.kz.
ونداعى سەكسيالار مەن ۇيىرمەلەر بالالارعا تەگىن بولادى.
كەشەندە كوركەم گيمناستيكا، ەستەتيكالىق توپتىق گيمناستيكا، بادمينتون جانە شىعىس جەكپە-جەگىنىڭ ءارتۇرلى تۇرلەرى، سونداي-اق مۇمكىندىگى شەكتەۋلى بالالارعا ارنالعان شاحمات، توعىز قۇمالاق سەكسيالارى جۇمىس ىستەيتىن بولادى.
عيماراتتىڭ جالپى اۋدانى – 2500 شارشى مەتر، جوبالىق قۋاتى – اۋىسىمىنا 94 ادام. كەشەننىڭ قۇرىلىسى وتكەن جىلى سالاۋاتتى ءومىر سالتىن ناسيحاتتاۋ جانە بالالار مەن تۇرعىندار اراسىندا سپورتتى ناسيحاتتاۋ، سونداي-اق اۋداندى كەشەندى دامىتۋ ماقساتىندا «شەتسىز قالا» جوباسى اياسىندا باستالدى.
