16 مىڭ م3 قوقىس پەن تۇنبا شىعارىلدى
الماتىدا جالپى ۇزىندىعى 1145،7 كم ارىق جەلىلەرى مەن وتكەلدەردى تازارتىلدى، دەپ حابارلايدى Almaty-akshamy.kz.
اقپان ايىنىڭ سوڭىندا قاردىڭ جاپپاي ەرۋىنىڭ الدىندا سۋ باسىپ قالۋ ءقاۋپىن بولدىرماۋ ءۇشىن الماتى قالاسى اۋداندارى اكىمدىكتەرىنىڭ مەردىگەرلىك كاسىپورىندارى جالپى ۇزىندىعى 1145،7 كم ارىق جەلىلەرى مەن وتكەلدەردى تازارتتى، كۇن سايىن 60-تان استام ارنايى تەحنيكا مەن 300 قىزمەتكەر جۇمىلدىرىلدى. 16 مىڭ م3 قوقىس پەن تۇنبا شىعارىلدى.
جاۋىن-شاشىننىڭ سالدارىنان ناۋرىز ايىندا جولدىڭ ءجۇرىس بولىگى استىنداعى جەراستى ارىق وتكەلدەرىندە تۇرمىستىق قوقىستىڭ سالدارىنان ارىقتاردان نوسەر سۋلارىنىڭ قۇيىلۋ جاعدايلارى تىركەلدى.
وسىعان بايلانىستى نوسەر سۋلارىنىڭ كەدەرگىسىز ءوتۋىن قامتاماسىز ەتۋ ءۇشىن قالا تۇرعىندارى مەن قوناقتارىنا ارىق جەلىسىنە قوقىس تاستاماۋدى سۇرايمىز.