اۋداننىڭ ينجەنەرلىك جەلىلەرىن جاڭعىرتۋ نەگىزگى ماسەلەنىڭ ءبىرى بولىپ وتىر.
تۇرعىندارمەن كەزدەسۋدە ەربولات دوسايەۆ تۇرعىنداردىڭ ءوتىنىشى بويىنشا قۇلاگەر شاعىن اۋدانىنداعى جىلۋمەن جابدىقتاۋ جەلىلەرىن رەكونسترۋكسيالاۋ جۇمىستارىن تەزدەتۋ تۋرالى ماسەلە كوتەردى، دەپ حابارلايدى Almaty-akshamy.kz
اكىمنىڭ ايتۋىنشا، 1،7 كم جەلىنى جاڭعىرتۋ قازان ايىنىڭ سوڭىندا اياقتالدى.
قۇبىرلار جەر استىنا اۋىستىرىلدى، اسفالت قالپىنا كەلتىرىلدى، ەسكى جەرۇستى قۇبىرلارى بولشەكتەپ الىندى. قازىبايەۆ كوشەسى، رىسقۇلوۆ داڭعىلى، تاتىبەكوۆ كوشەسى، رايىمبەك داڭعىلى بولىگىندەگى ۇزىندىعى 57،9 كم سۋمەن قامتۋ جەلىلەرىن رەكونسترۋكسيالاۋ جانە كارىز سالۋ جۇمىستارى اياقتالىپ كەلەدى.
«تامىز ايىندا پاللادين – پاۆلودار – سەلسكايا – بورالداي كوشەلەرى مەن كەمەل شاعىن اۋدانىندا 40 كم ەسكىرگەن جەلىلەردى رەكونسترۋكسيالاۋ جۇمىستارى باستالدى. ءقازىردىڭ وزىندە 800 تىرەك ورناتىلىپ، 15،8 كم كابەل تارتىلدى. بۇل كوشەلەردەگى جۇمىستار جىل سوڭىنا دەيىن، كەمەل شاعىن اۋدانىنداعى جۇمىستار 2023 جىلدىڭ ءساۋىر ايىندا اياقتالادى. بۇل 4000-نان استام ابونەنتتى ۇزدىكسىز ەلەكترمەن قامتاماسىز ەتەدى. جىل سوڭىنا دەيىن جەتىسۋ اۋدانىنىڭ 76 كوشەسىندە سىرتقى جارىقتاندىرۋ جۇمىستارى اياقتالادى»، دەدى قالا باسشىسى ەربولات دوسايەۆ تۇرعىندارمەن كەزدەسۋدە.