شاھار باسشىسى قالا اكىمشىلىگى تاراپىنان رۇقسات بەرىلمەگەن تۇرعىن ۇيلەرگە اقشا بەرمەۋگە شاقىردى.
بۇگىن الماتى قالاسىنىڭ اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزدەستى. كەزدەسۋدە اۋدان تۇرعىندارى اكىمگە سۇراقتارىن جولدادى، دەپ حابارلايدى Almaty-akshamty.kz.
سۇراق:
- "جەتىسۋ-3" شاعىناۋدانىندا سالىنىپ جاتقان تۇرعىن ءۇي كەشەنىنىڭ جاعدايى قانداي؟ بۇل ۇيلەر سالىنبايدى دەگەن سىبىس شىقتى. ەگەر تۇرعىن ءۇي سالىنباسا، ونىڭ سەبەبى نەدە؟
«بۇگىنگى بەكىتىلگەن ەرەجە بويىنشا بۇل جەردە تەك 5 قاباتتى تۇرعىن ءۇي سالۋعا بولادى. جەكەمەنشىك كاسىپكەر وعان كەلىسپەي وتىر. ال 9 قاباتتى ءۇي سالۋعا اكىمدىك رۇقسات بەرمەيدى. سەبەبى مۇنداي بيىكتىكتەگى ءۇي وزگە تۇرعىن ۇيلەرگە كەدەرگى كەلتىرەدى. كاسىپكەر 5 قاباتتى تۇرعىن ءۇي سالۋعا كەلىسسە، قۇرىلىس جالعاسادى. جالپى، وسى جەرگە بايلانىستى تامىزدىڭ سوڭىنا دەيىن شەشىم قابىلدايمىز. سونداي-اق، قالا تۇرعىندارىنا ەسكەرتكىم كەلەدى. ەستەرىڭىزدە بولسىن، قالا اكىمشىلىگى رۇقسات بەرمەگەن تۇرعىن ۇيلەرگە الدىن الا اقشا بەرمەڭىزدەر»،- دەدى قالا اكىمى ەربولات دوسايەۆ.