بيىلعى 1 شىلدەدەگى جاعداي بويىنشا، ەلىمىزدە 4،1 ميلليون جىلقى بولدى. بۇل ءبىر جىل بۇرىنعىدان 10،6% ارتىق. وبلىستار اراسىندا جىلقى سانى بويىنشا تۇركىستان، قاراعاندى، اباي وبلىستارى كوش باستاپ تۇر.
جىلقى شىعىنى بيىل 5،2% ءوسىپ، 2،7 مىڭ باسقا جەتتى. كوبىنە ءولىم جاعدايلارى اقمولا، قوستاناي جانە ماڭعىستاۋ وبلىستارىندا تىركەلدى.
شىلدە ايىندا ەلىمىزدىڭ بازارلارى مەن دۇكەندەرىندە جىلقى ەتىنىڭ كەلىسى 2،9 مىڭ تەڭگە بولدى. بۇل ءبىر جىل بۇرىنعىدان بىردەن 16،5% قىمبات. باعانىڭ ەڭ كوپ ءوسۋىن سولتۇستىك قازاقستان وبلىسىنىڭ تۇرعىندارى سەزىندى: جىلىنا 28،8%. سونىمەن قاتار باعا اقتوبە وبلىسى مەن شىمكەنت قالاسىندا دا وسكەن. ەڭ از جىلدىق ءوسىم قىزىلوردا وبلىسىندا تىركەلدى: 4،5%.
ەلىمىزدىڭ ءىرى قالالارىنىڭ ىشىندە ءبىر كەلى جىلقى ەتىن ەڭ جوعارى باعادا نۇر-سۇلتاندا (3،3 مىڭ تەڭگە)، ەڭ تومەن باعادا قىزىلوردادا (2،3 مىڭ تەڭگە) الۋعا بولدى.