مەملەكەت باسشىسىنا تۇرعىن ءۇي ماسەلەسىمەن جۇگىنگەن جەتىم بالالار بويىنشا اقپاراتتىق حابارلاما
ق ر پرەزيدەنتى مەن الماتى قالاسىنىڭ اكىمىنە بەينەوتىنىش ارقىلى جۇگىنگەن ازاماتتار الماتى وبلىستىق №1 بالالار ءۇيىنىڭ تۇلەكتەرى. ولار الماتى وبلىسىنىڭ اكىمدىگىندە تۇرعىن ءۇي الۋعا كەزەككە تۇرعاندار (الماتى قالاسىنىڭ تۇرعىن ءۇي كەزەگىندەگى تىزىمدە جوق). ق ر "تۇرعىن ءۇي قاتىناستارى تۋرالى" زاڭىنىڭ 71-بابىنىڭ 1-تارماعىنا سايكەس تۇرعىن ۇيگە مۇقتاجداردى ەسەپكە الۋ ازاماتتاردىڭ تۇراقتى تۇراتىن جەرى بويىنشا جۇرگىزىلەدى. سوندىقتان حات يەگەرلەرىنىڭ تۇرعىن ءۇي بەرۋگە قاتىستى ماسەلەسىن شەشىپ بەرۋ ءوتىنىشى الماتى وبلىسى اكىمدىگىنىڭ قۇزىرەتىنە كىرەدى.
مەملەكەتتىك تۇرعىن ءۇي قورىنان تۇرعىن ۇيلەردى (جاڭادان پايدالانۋعا بەرىلگەن نەمەسە تۇرعىندار بوساتقان) نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيلەردى ءبولۋ كەزىندە جەتىم بالالار مەن اتا-اناسىنىڭ قامقورلىعىنسىز قالعان بالالارعا كوممۋنالدىق قوردان تۇرعىن ۇيلەردىڭ جالپى سانىنىڭ كەمىندە 20 پايىزى بولىنەدى.
الماتى اكىمدىگى ءحاوت ساناتىنداعى ادامداردى، اتاپ ايتقاندا، جەتىم بالالاردى باسپانامەن قامتاماسىز ەتۋ ماسەلەسى ەرەكشە نازاردا. ەگەر 2022 جىلى الماتى قالاسىنىڭ كوممۋنالدىق تۇرعىن ءۇي قورىنان جەتىم بالالارعا 14 پاتەر، 2023 جىلى 55 پاتەر بەرىلسە، 2024 جىلى كەمىندە 400 پاتەر بەرۋ جوسپاردا بار. وسىلايشا كەلەسى جىلى جەتىم بالالاردىڭ 16%-ىنىڭ تۇرعىن ءۇي ماسەلەسى شەشىلەدى.