الماتى اكىمدىگى "River Park" تك-نى جىلۋمەن جابدىقتاۋ جاعىن باقىلاۋعا الدى، دەپ حابارلايدى Almaty-akshamy.kz
الماتى قالاسىنىڭ مەدەۋ اۋدانىندا ورنالاسقان "River Park" تك ۇيلەرىنىڭ جىلۋمەن جابدىقتاۋ جۇيەسىندە قۇرىلىس جۇرگىزۋشى مەكەمەنىڭ سالعىرتتىعىنان اقاۋ پايدا بولدى.
"الماتى جىلۋ جەلىلەرى" ج ش س (التس) بەرگەن اقپاراتقا سايكەس، اتالعان كەشەن عيماراتىنا بەرىلەتىن جىلۋدىڭ تومەندەۋىنە سەبەپ، جەكە قۇرىلىس ۇيىمىنا تيەسىلى اۆتوماتتاندىرىلعان جىلۋ پۋنكتىنىڭ (اتپ) دۇرىس جۇمىس ىستەمەۋىنەن تۋىنداعان.
بۇل رەتتە كوممۋنالدىق قىزمەت وكىلدەرى اتالعان تك-گە جىلۋ جۇيەسى جىلۋ ءوندىرۋ كوزىنەن ("الماتى ەلەكتر ستانسالارى" اق، جەو جىلۋمەن جابدىقتاۋ ايماعى) بارلىق پارامەترلەردى ساقتالا وتىرىپ، شتاتتىق رەجيمدە بەرىلىپ جاتقانىن مالىمدەپ وتىر.
ولار سىرتقى اۋانىڭ تومەن تەمپەراتۋراسى كەزىندە اتالعان تۇرعىن ءۇي كەشەنىنىڭ تۇرعىندارى تاراپىنان ەشقانداي شاعىم تۇسپەگەنىن اتاپ ءوتتى. "River Park" تك ۇيلەرىندەگى جىلىتۋعا قاتىستى شتاتتان تىس جاعداي تۇرعىن ءۇي كەشەنىنە قىزمەت كورسەتەتىن جەكە سەرۆيستىك ۇيىمنىڭ اتپ جۇمىسىنا ارالاسۋىنان تۋىنداۋى مۇمكىن.
قۇرىلىسشىلارعا كومەككە الماتى جىلۋ جەلىلەرىنىڭ كەزەكشى بريگاداسى جىبەرىلدى.
سونىمەن قاتار، اۋدان اكىمدىگى بۇرىن "ارت مەديا" ج ش س قۇرىلىس سالۋشى وكىلدەرىمەن تۇرعىن ۇيلەردە جىلۋمەن جابدىقتاۋدى قالپىنا كەلتىرۋ ءۇشىن شۇعىل شارالار قابىلداۋ بويىنشا كەلىسسوزدەر جۇرگىزگەن بولاتىن.
قۇرىلىس جۇرگىزۋشى مەكەمە ەليەۆاتورلى ءتۇيىن ءۇشىن قوسىمشا سورعىلار ساتىپ الىناتىنىن مالىمدەدى. سورعىلار كەلەسى اپتادا ورناتىلادى.
"River Park" تك-نى جىلۋمەن جابدىقتاۋ ماسەلەسى الماتى اكىمدىگى مەن قالانىڭ بارلىق ءتيىستى شۇعىل قىزمەتتەرىنىڭ باقىلاۋىنا الىندى.