ۇلتتىق قاۋىپسىزدىك كوميتەتى قازاقستان اۋماعىنا اسا ءىرى كولەمدە سينتەتيكالىق ەسىرتكىنى كىرگىزۋدىڭ جانە ساتۋدىڭ تۇراقتى ارناسىن ۇيىمداستىرعان قىلمىستىق توپتىڭ جولىن كەستى.
«مەفەدرون» جانە «الفا-PVP» الەۋمەتتىك جەلىلەر مەن مەسسەندجەرلەر ارقىلى ساۋدالانعان. ەسىرتكى جاسىرىن ورىنداردىڭ كوورديناتتارىن بەرۋ ارقىلى بەتپە-بەت كەزدەسۋسىز الىنىپ وتىرعان، دەپ حابارلايدى Almaty-akshamy.kz.
جيناقتالعان بۇلتارتپاس ايعاقتاردىڭ ناتيجەسىندە شىمكەنت جانە قونايەۆ قالالارىندا ەسىرتكى سينديكاتىنىڭ ۇيىمداستىرۋشىسى مەن ءۇش كومەكشىسى ۇستالدى.
ءتىنتۋ بارىسىندا زاڭسىز اينالىمىنان 103 كەلى سينتەتيكالىق ەسىرتكى الىندى.
ولىمگە اكەلەتىن «تاۋاردى» استانا، الماتى، قونايەۆ، كوكشەتاۋ، شىمكەنت، تاراز، قىزىلوردا جانە وسكەمەن قالالارىندا تاراتۋ كوزدەلگەن.
ەسىرتكى بيزنەسىنە قارسى ءىس-قيمىل جالعاسىپ جاتىر.