باسەكەلەستىكتى قورعاۋ جانە دامىتۋ اگەنتتىگى ەلىمىزدە جۇمىرتقا باعاسىنىڭ وسۋىنە بايلانىستى 7 جۇمىرتقا وندىرۋشىگە قاتىستى تەرگەۋ جۇرگىزىپ جاتىر، دەپ حابارلايدى Almaty-akshamy.kz Inform.kz-كە سىلتەمە جاساپ.
«جۇمىرتقا ءوندىرىسى نارىعىندا باعانىڭ وسۋىنە بايقالادى. شىمكەنت، قوستاناي، تاراز قالالارىندا جەتى جۇمىرتقا وندىرۋشىگە قاتىستى تەرگەۋ باستالدى، 14 وندىرۋشىگە باعانىڭ تومەندەۋى تۋرالى حابارلاما شىعارىلدى. ونىڭ 7ء-ى باعانى 6-دان 10%-عا دەيىن تومەندەتتى»، - دەلىنگەن اگەنتتىك حابارلاماسىندا.
ەسكە سالساق، بۇعان دەيىن الماتى وبلىسىندا جۇمىرتقا باعاسىن نەگىزسىز وسىرگەن ەكى قۇس فابريكاسى انىقتالعان. ستاتيستيكالىق مالىمەتكە قاراعاندا، جۇمىرتقا باعاسى ءبىر ايدا 6 پايىز قىمباتتاعان.