مەدەۋ اۋدانىندا ورنالاسقان "كامەنسكوە پلاتو"، "اقتوبە اۋىلى"، "قايىڭ توعايى"، "تاۋجولى" شاعىناۋداندارى مەن وس ارداگەرلەرى گوسپيتالى ماڭىندا تۇراتىن تۇرعىندارعا كورسەتىلەتىن قىزمەت ساپاسىن ارتتىرۋ ءۇشىن 2022 جىلعى 20 جەلتوقساننان باستاپ كەلەسى مارشرۋتتاردا جاڭا اۆتوبۋستار شىعارىلاتىن بولادى: №5 مارشرۋت «قالداياقوۆ كوش. – جىبەك جولى كوش. – اقتوبە اۋىلى»، №5ا «قالداياقوۆ كوش.–جىبەك جولى كوش. – وس ارداگەرلەرى گوسپيتالى»، №5ب «جىبەك جولى كوش. –وس ارداگەرلەرى گوسپيتالى»، №5ۆ «قايىڭ توعايى –دوستىق داڭع.- وسپانوۆ كوش.»، №26 «№7 قالالىق اۋرۋحانا – ەكولوگيالىق پوست». سوڭعى ايلاردا اتالعان مارشرۋتتاردا جوسپارلى جىلجىمالى بىرلىكتىڭ جولعا شىعۋى 50%-عا دەيىن تومەندەگەندىكتەن، مارشرۋتتاردى يسسۋزۋ ن-40 ماركالى جاڭا 19 اۆتوبۋسپەن قىزمەت كورسەتەتىن «ساپارشى» ج ش س تاسىمالداۋشى كومپانياسىنا بەرۋ تۋرالى شەشىم قابىلداندى.
№5 مارشرۋتقا 4 جىلجىمالى بىرلىك، №5ا مەن №5ۆ مارشرۋتتارىنا 2، №5ب مارشرۋتىنا 3 جانە №26 مارشرۋتقا 5 اۆتوبۋس شىعارۋ قاراستىرىلعان.
قالالىق موبيلدىلىك باسقارماسى قىزمەت كورسەتۋ ساپاسىن ارتتىرۋ مەن ءجۇرىس جيىلىگىن ارتتىرۋ باعىتىندا ءبىرقاتار شارا قابىلداپ جاتقاندىعىن اتاپ وتكەن ءجون. مارشرۋتتاردا تۋىنداعان ماسەلەلەر كەزەڭ-كەزەڭمەن شەشىمىن تاباتىن بولادى.