تۇركيا ءتۋريزمى جاعالاۋعا مەدۋزالاردىڭ قاپتاپ كەتۋىمەن كۇرەسىپ جاتقاندا، جەرورتا تەڭىزىندەگى باسقا ەلدەردىڭ كۋرورتتارىندا اكۋلالاردىڭ كوبەيۋى الاڭداۋشىلىق تۋدىرىپ وتىر، - دەپ حابارلايدى اlmaty-akshamy.kz kaz.tengritravel.kz-كە سىلتەمە جاساپ.
بۇل ايماقتا اكۋلالاردىڭ سانى ارتىپ كەتكەن ەكەن. وسىلايشا، ولار جاعالاۋدا ءجيى كورىنەتىن بولىپتى. اتاپ ايتقاندا بۇل جاعداي يسپانيا، پورتۋگاليا، گرەكيا، حورۆاتيا جانە مىسىرعا باراتىن تۋريستەردى الاڭداتىپ وتىر. ونىڭ ۇستىنە بۇل جىرتقىش بالىقتاردىڭ ادامدارعا شابۋىلداعان وقيعالارى جيىلەپ كەتكەندەي. وسىدان ادامدار سۋعا تۇسۋدەن قالىپ بارادى.
جەرورتا تەڭىز ايماعىندا بولعان سوڭعى وقيعالار:
يسپانيا (وريۋەلا كوستا، اليكانتە). 15 شىلدەدە اليكانتەنىڭ وڭتۇستىگىندەگى اكۆامارين جاعالاۋىندا العاش رەت اكۋلا كورىندى. ول كەزدە اكۋلا ادامدارعا شابۋىل جاسامادى، الايدا دەمالۋشىلاردى دۇرلىكتىرىپ كەتتى.
يسپانيا (مەنوركا). يسپانيانىڭ مەنوركا ارالىندا وسى جازدا اكۋلانىڭ پايدا بولعانى تىركەلدى.
پورتۋگاليا. پورتۋگاليادا دا اكۋلالاردىڭ پايدا بولعانى تۋرالى حابار كەلدى. دەگەنمەن تۋريستەر اراسىندا بۇعان قاتىستى الاڭداۋشىلىق بولمادى.
گرەكيا. گرەكيا جاعالاۋلارىندا دا اكۋلالار بايقالا باستاعان ەكەن. ءبىراق بۇل ەلدە اكۋلانىڭ شابۋىلىنان ادامنىڭ قازا بولۋى ونداعان جىلدا ءبىر بولادى ەكەن.
حورۆاتيا. بۇل ەلدىڭ جاعالاۋلارىندا دا اكۋلۋلار كەزدەسكەن. الايدا گرەكياداعىداي مۇندا ولار تۋريستەرگە ايتارلىقتاي ءقاۋىپ توندىرمەيدى.
مىسىر. ال مىسىردا قايعىلى وقيعالار بولعان ەدى. ماۋسىم ايىندا اكۋلا 24 جاستاعى رەسەيلىكتى وزگە ادامداردىڭ كوزىنشە جەم ەتتى. كەيىن ايەل ادام قولىنان ايىرىلدى. بىلتىر دا حۋرگادادا ايەل ادام مەرت بولعان ەدى.
جەرورتا تەڭىزىنىڭ سۋلارىندا اكۋلالار مەن ادامنىڭ بەتپە-بەت كەلۋى ءجيى بولادى، الايدا كوپ جاعدايدا ولار ادامعا شاۋبىل جاسامايتىن. تەڭىز بيولوگى جانە قورشاعان ورتانى قورعاۋشى كريسوس تاكليس اكۋلالاردان كەلەتىن شىنايى ءقاۋىپتىڭ دەڭگەيى تومەن دەگەن ويدا. ويتكەنى كەيىنگى جىلدارى بۇل جىرتىقشتاردىڭ شاۋبىلىنان ادامداردىڭ قازا تابۋى تىركەلمەگەن، سوندىقتان بۇل ايماق ءقاۋىپسىز سانالادى ەكەن.
دەگەنمەن اكۋلالاردىڭ ءجيى كەزدەسە باستاۋى ولاردىڭ كوبەيۋى مەن ميگراسياسىنا بايلانىستى ەكەنىن اتاپ ءوتتى ماماندار. ولار جەمتىگىن قۋامىن دەپ ۇزاپ كەتەدى نەمەسە اداسىپ تا جاتادى ەكەن. الايدا ءبىر جەردە ۇزاق تۇراقتاپ قالمايتىن كورىنەدى.
سوندىقتان بولار ماماندار اسا ءبىر الاڭداۋدىڭ قاجەتى جوق ەكەنىن ايتۋدا. ال مالتالىق زەرتتەۋشى الەكس بۋتتيدجيچ كەيىنگى 30 جىلدا اكۋلالاردى باقىلاۋ 90 پايىزعا تومەندەگەن دەگەن دەرەك كەلتىردى. دەمەك ايماقتا اكۋلالار كوبەيدى دەۋگە كەلمەيدى ەكەن.
اكۋلۋلار كەزدەسەتىن سۋلاردا ءجۇزۋ كەزىندە نەنى ءبىلۋ كەرەك.
جەرورتا تەڭىزى سۋلارىندا اكۋلانىڭ 50 ءتۇرى كەزدەسەدى، ال ولاردان قورعانۋ ءۇشىن كادىمگى ساقتىق شارالارىن ۇستانعان ءجون بولادى:
جاعالاۋدان الىستاماۋ.
سۋعا جالعىز تۇسپەۋ.
كۇن باتقاندا شومىلماۋ.
سۋدى شالپىلداتپاعان ءجون، بۇل جىرتقىشتاردىڭ نازارىن اۋدارادى.
تۋريستىك ساقتاندىرۋ ساتىپ العان ابزال.