ولار سوت شەشىمىمەن ەلدەن شىعارىلدى.
"نەلەگال" رەسپۋبليكالىق ءىس-شاراسى بارىسىندا الماتىدا افريكا قۇرلىعىنىڭ 29 ازاماتى ۇستالدى، دەپ حابارلايدى Almaty-akshamy.kz
"ماقسات – زاڭسىز جۇرگەن شەتەلدىكتەردى انىقتاۋ، سونداي-اق زاڭسىز كوشى-قون ارنالارىنىڭ جولىن كەسۋ. وسىلايشا، پروفيلاكتيكالىق ءىس-شارالاردى جۇرگىزۋ بارىسىندا افريكا قۇرلىعىنىڭ 29 ازاماتى ۇستالىپ، جاۋاپكەرشىلىككە تارتىلدى، ولاردىڭ 9-ى سوت شەشىمىمەن قازاقستان رەسپۋبليكاسىنان شىعارىلدى، تاعى ۇشەۋى جەكە باسىن كۋالاندىراتىن قۇجاتتارى جوق بولعاندىقتان ءپد-نىڭ قابىلداپ-تاراتۋىنا ورنالاستىرىلدى. اتالعان شەتەلدىكتەردىڭ قازاقستاننان دەر كەزىندە كەتپەي، زاڭسىز تۇرىپ جاتقانى بەلگىلى بولدى. قازىرگى ۋاقىتتا قابىلداۋشى ادامداردى اكىمشىلىك جاۋاپكەرشىلىككە تارتۋ ماقساتىندا انىقتاۋ جۇمىستارى جۇرگىزىلۋدە"، - دەدى الماتى قالالىق پد كوشى-قون قىزمەتى باسقارماسىنىڭ باستىعى، پوليسيا پولكوۆنيگى اسحات بۋتۋنچينوۆ.