2 075 ءوتىنىش بويىنشا وڭ شەشىم قابىلداندى.
الماتىنىڭ جەر كوميسسياسى قالا تۇرعىندارىنىڭ 3 000-نان استام ءوتىنىشىن قارادى. بۇل تۋرالى وڭىرلىك كوممۋنيكاسيالار قىزمەتىنىڭ ونلاين-بريفينگى بارىسىندا الماتى قالاسى جەر قاتىناستارى باسقارماسىنىڭ باسشىسى ارداق سامامبەتوۆ مالىمدەدى، دەپ حابارلايدى Almaty-akshamy.kz
سپيكەردىڭ ايتۋىنشا، باسقارما مەملەكەتتىك قىزمەتتىڭ 8 ءتۇرىن ۇسىنادى. اعىمداعى جىلدىڭ 7 ايىندا بارلىعى 5 472 مەملەكەتتىك قىزمەت كورسەتىلدى، ونىڭ ىشىندە باسىم بولىگى ەلەكتروندىق ۇكىمەت سايتى ارقىلى – 4 638، مەملەكەتتىك ورگان ارقىلى – 834.
«بيىلعى جىلى باسقارماعا جەردى پايدالانۋدىڭ ءتۇرلى سالالارىنا قاتىستى جەكە تۇلعالار مەن زاڭدى تۇلعالاردان 7 655 ءوتىنىش كەلىپ ءتۇستى. ازاماتتار كوبىنەسە جەر ۋچاسكەلەرىن زاڭداستىرۋ، جالعا الۋدى ۇزارتۋ، جەر تەلىمى ءۇشىن جالداۋ اقىسىن ەسەپتەۋ بويىنشا جۇگىنەدى»، - دەدى ا.سامامبەتوۆ.
سپيكەردىڭ ايتۋىنشا، بيىل جەر كوميسسياسىنىڭ 8 وتىرىسى وتكىزىلىپ، وندا 3 128 ءوتىنىش قارالىپ، 2 075 ءوتىنىش بويىنشا وڭ شەشىم قابىلداندى.
سونىمەن قاتار، جىل باسىنان بەرى الماتى قالاسىنىڭ جەر قاتىناستارى باسقارماسى ەنەرگەتيكا، دەنساۋلىق ساقتاۋ، بالاباقشا، سپورت جانە باسقا دا نىساندار قۇرىلىسى ءۇشىن 58 جەر تەلىمىن بەرگەنى بەلگىلى بولدى.
«مەملەكەت مۇقتاجى ءۇشىن قوعامدىق ماڭىزى بار جوبالاردى جۇزەگە اسىرۋ ءۇشىن 105 جەر تەلىمى الىندى. مىسالى، اباي داڭعىلىن ياسساۋي كوشەسىنەن قالا شەكاراسىنا دەيىن ۇزارتۋ ءۇشىن، سونداي-اق رىسقۇلوۆ داڭعىلى مەن ەمسوۆ كوشەسىنىڭ قيىلىسىندا جول ايرىعىن سالۋ ءۇشىن جەر تەلىمدەردى ساتىپ الۋ اياقتالدى»، - دەپ اتاپ ءوتتى جقب باسشىسى.
الماتى قالاسىن دامىتۋدىڭ باس جوسپارىن جۇزەگە اسىرۋ ماقساتىندا ءال-فارابي داڭعىلىنىڭ بويىنداعى (ۆيتەبسكايا كوشەسىنىڭ قيىلىسى)، "مادەنيەت" شاعىناۋدانىندا جول سالۋ ءۇشىن، سونداي-اق تۇركسىب اۋدانىنداعى چيتينسكايا كوشەسىندەگى كارىزدىك سورعى ستانسياسىن سالۋ ءۇشىن جەر تەلىمدەرى ساتىپ الىندى.
62 نىسان جۇمىس ىستەۋدە، ونىڭ ىشىندە اعىمداعى جىلى 15 نىساندى ساتىپ الۋدى اياقتاۋ جوسپارلانىپ وتىر. ولاردىڭ ورنىنا جاڭا جولدار مەن الەۋمەتتىك نىساندار سالىنادى.
جقب-نىڭ ماڭىزدى شەشىمى الەۋمەتتىك ماسەلەلەر بولدى. وڭىرلىك كوممۋنيكاسيالار قىزمەتى بۇرىن ءوز بەتىنشە يەلەنىپ العان تۇرعىندارعا جەر قۇقىعىن بەردى، بۇل 644 وتباسىنا جەر ۋچاسكەلەرىن زاڭداستىرۋعا مۇمكىندىك بەردى.