ەرتەڭ، 9 مامىر كۇنى، ۇلى وتان سوعىسىنداعى جەڭىستىڭ 80 جىلدىعىنا ارنالعان ءىس-شارالار اياسىندا الماتى-2 ۆوكزالىنىڭ پەررونىندا ساعات 11:00-دەن 15:00-گە دەيىن «جاد پوەزىن» سالتاناتتى قارسى الۋ ءراسىمى وتەدى، دەپ حابارلايدى .Aqshamnews.kz «جاد پوەزى» ۇيىمداستىرۋشىلارىنا سىلتەمە جاساپ.
بۇل جاي عانا پويىز ەمەس – بۇل ءبىزدى تاريحقا جەتەلەيتىن ەرەكشە الاڭ. سوناۋ سوعىس جىلدارىنداعى مايدانگەر باتىرلاردى قالاي شىعارىپ سالىپ، قالاي قارسى العانىن ەسكە تۇسىرۋگە مۇمكىندىك بەرەدى. بۇل شارا ارداگەرلەردى، وقۋشىلاردى، كادەتتەردى، قوعام بەلسەندىلەرىن جانە ەل ەرلىگىن جۇرەگىندە ساقتاعان بارلىق ازاماتتى بىرىكتىرەدى.
قوناقتاردى مازمۇندى كونسەرتتىك-تەاترلاندىرىلعان باعدارلاما كۇتىپ تۇر. وندا سوعىس جىلدارىنىڭ اندەرى شىرقالادى،
وقۋشىلار مايداننان كەلگەن حاتتاردى وقيدى، اكتەرلەر سول كەزدىڭ شىنايى وقيعالارىن باياندايدى.
ءىس-شارانىڭ شارىقتاۋ شەگى – سول كەزەڭنىڭ رۋحى مەن كوڭىل-كۇيىن جەتكىزەتىن حورەوگرافيالىق قويىلىم بولماق.
سونىمەن قاتار:
• اسكەري اتريبۋتيكامەن فوتوايماقتار،
• مايدان حاتتارىن جازۋعا ارنالعان شەبەرلىك دارىستەرى،
• ارداگەرلەر مەن قاتىسۋشىلارعا مايدان دالاسىنداعى بوتقانى تاراتۋ ۇيىمداستىرىلادى.
ءىس-شارا سوڭىندا بارلىعى بىرىگىپ «جەڭىس كۇنى» ءانىن ورىندايدى. بۇل وتكەنگە دەگەن تاعزىم مەن بىرلىكتىڭ بەلگىسى.
بارشاڭىزدى وسى ماڭىزدى ءارى تەبىرەنتەرلىك ءىس-شاراعا قاتىسۋعا شاقىرامىز. كەلىڭىزدەر، بەيبىتشىلىك سىيلاعان جاندارعا بىرگە العىس ايتىپ، ولاردىڭ ەرلىگىن ەستە ساقتايىق!
بارلىق سۇراق بويىنشا: 8 707 104 05 07 رۋسلان.