قازاقستاندا قانشا سوعىس ارداگەرى قالدى؟
1 ساۋىردەگى مالىمەت بويىنشا، قازاقستاندا 111 سوعىس ارداگەرى بار، دەپ حابارلايدى aqshamnews.kz
قازاقستاندا 83 048 ارداگەر تۇرادى، ونىڭ ىشىندە ۇلى وتان سوعىسىنىڭ 111 ارداگەرى، جەڭىلدىكتەر بويىنشا ۇوس ارداگەرلەرىنە تەڭەستىرىلگەن 16 796 ارداگەر، 26 553 باسقا مەملەكەتتەردىڭ اۋماعىندا ۇرىس قيمىلدارىنىڭ ارداگەرلەرى، 39 588 ۇوس جىلدارىنداعى تىل ەڭبەككەرلەرى.
بيىل اتالعان ساناتتارداعى ازاماتتارعا 4،3 ملرد تەڭگە سوماسىندا ارناۋلى مەملەكەتتىك جاردەماقى تولەندى. 2025 جىلى وسى ماقساتتارعا 17 ملرد تەڭگە قاراستىرىلعان.
رەسپۋبليكالىق بيۋدجەتتەن بەرىلەتىن اي سايىنعى ارناۋلى مەملەكەتتىك جاردەماقى ارداگەرلەردىڭ بارلىق ساناتتارىنا، وزگە دە الەۋمەتتىك تولەمدەردى الۋىنا قاراماستان، مىناداي مولشەردە تولەنەدى:
1) ۇوس ارداگەرلەرى – 16 اەك (2025 جىلى – 62 912 تەڭگە)؛
2) جەڭىلدىكتەرى بويىنشا ۇوس ارداگەرلەرىنە تەڭەستىرىلگەن ارداگەرلەر، ولاردىڭ ىشىندە:
- ۇوس كەزەڭىندە جاراقات الۋى، كونتۋزيا الۋى، مەرتىگۋى نەمەسە اۋرۋ سالدارىنان مۇگەدەكتىگى بار ادامدارعا جەڭىلدىكتەر بويىنشا تەڭەستىرىلگەن ادامدار – 7،55 اەك (2025 جىلى – 29 687 تەڭگە)؛
- جەڭىلدىكتەر بويىنشا ۇوس قاتىسۋشىلارىنا تەڭەستىرىلگەن تۇلعالار – 6،19 اەك (2025 جىلى – 24 339 تەڭگە)؛
3) باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، ونىڭ ىشىندە:
- اۋعانستانداعى ۇرىس قيمىلدارىنا قاتىسۋشىلار – 6،19 اەك (2025 جىلى – 24 339 تەڭگە)؛
- تاجىك-اۋعان ۋچاسكەسىندە تمد شەكاراسىن قورعاۋدى كۇشەيتۋ جونىندەگى مىندەتتەردى ورىنداعان، يراكتاعى حالىقارالىق بىتىمگەرشىلىك وپەراسياعا، تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان اسكەري قىزمەتشىلەر – 4،8 اەك (2025 جىلى – 18 874 تەڭگە)؛
4) ۇوس جىلدارىنداعى تىل ەڭبەككەرلەرى – 2،13 اەك (2025 جىلى – 8 376 تەڭگە).