وليمپيادا جەڭىمپازدارى ەلگە ورالدى.
بۇگىن تاڭەرتەڭ الماتى جۇرتشىلىعى اۋەجايدان وليمپيادا ويىندارىنىڭ چەمپيونى ەلدوس سمەتوۆ پەن قولا جۇلدەگەر عۇسمان قىرعىزبايەۆ باستاعان دزيۋدودان قازاقستان قۇراماسىن كۇتىپ الدى، دەپ حابارلايدى akshamnews.kz
الماتى اۋەجايىندا ادامنىڭ كوپتىگىنەن اياق الىپ جۇرگىسىز. العاشقى لەكپەن كەلگەن چەمپيون مەن وزگە دە سپورتشىلاردى جاقىندارى مەن جانكۇيەرلەرى كۇتىپ الدى.
الماتى قالالىق دزيۋدو فەدەراسياسى الماتىلىق قولا جۇلدەگەر عۇسمان قىرعىزبايەۆقا قىمبات كولىك مىنگىزدى.
«عۇسمان اكەلگەن قولا – الماتى ءۇشىن التىنمەن تەڭ بولىپ تۇر، ويتكەنى بۇل تاريحىمىزدىڭ جاڭا بەتى. ول ءوزى سپورتشى رەتىندە عانا ەمەس، ادام رەتىندە دە جاقسى جىگىت، سوندىقتان لايىقتى ەڭبەگىن باعالاپ، ءومىرىن جەڭىلدەتۋ ماقساتىندا وسى كولىكتى سىيلاپ وتىرمىز» دەدى الماتى قالالىق دزيۋدو فەدەراسياسىنىڭ باسشىسى الي حامحويەۆ.