قالامىزدا جىل باسىنان بەرى 32 مىڭنان استام جاڭا جۇمىس ورنى اشىلدى.
الماتىنىڭ ەكونوميكا باسقارماسى تۇرعىنداردىڭ ءال-اۋقاتىنىڭ ءوسۋىن قامتاماسىز ەتۋ بويىنشا قابىلدانىپ جاتقان شارالار تۋرالى ايتتى، دەپ حابارلايدى aqshamnews.kz
بيىل ماۋسىم ايىندا جىلدىق ينفلياسيا مامىرداعى 9%-دان 8،4%-عا دەيىن باياۋلادى. بۇل ازىق-تۇلىك تاۋارلارى باعاسىنىڭ 7،7%-عا جانە ازىق-تۇلىك ەمەس تاۋارلار باعاسىنىڭ 5،6%-عا دەيىن تومەندەۋى ەسەبىنەن بولدى. 2024 جىلى جىلدىق ينفلياسيا ودان ءارى 7-7،5%-عا دەيىن باياۋلايدى دەپ بولجانىپ وتىر.
بيىل ءبىرىنشى توقساندا نومينالدى اقشالاي كىرىس ورتا ەسەپپەن ءاربىر الماتىلىققا 22،9% ءوسىپ، 287 مىڭ تەڭگەگە جەتتى. ناقتى ماندە ءوسىم 11،9%.
ورتاشا ايلىق جالاقى 454 مىڭ تەڭگە بولىپ، نومينالدى ماندە جالاقى 16،4%، ناقتى ماندە 6% ءوستى.
تۇراقتى جۇمىس ورىندارىن قۇرۋعا باسا نازار اۋدارىلىپ وتىر. 32،7 مىڭ جۇمىس ورنى قۇرىلدى، ونىڭ 75%-ى تۇراقتى. وسىلايشا، جۇمىسسىزدىق دەڭگەيى 4،7%-عا دەيىن تومەندەدى.