ەلوردادا تۇرعىنعا جەڭىلدەتىلگەن نەسيەمەن كولىك الىپ بەرەمىن دەپ الداعان ازامات انىقتالدى، – دەپ حابارلايدى almaty-akshamy.kz Polisia.kz. سىلتەمە جاساپ.
33 جاستاعى ەلوردالىق ازامات تۇرعىنعا 1 ميلليون تەڭگە كولەمىندە اقشانى يەمدەنىپ، جەڭىلدەتىلگەن باعدارلاما بويىنشا نەسيەگە جاڭا كولىك الۋعا كومەكتەسەمىن دەپ ۋادە بەرگەن.
ەر ادام التى اي بويى تۇرعىندى سەندىرىپ كەلگەن. ارادا ءبىراز ۋاقىت وتكەن سوڭ جابىرلەنۋشى ءوزىنىڭ الدانعانىن ءتۇسىنىپ، پوليسياعا حابارلاستى.
جەدەل-ىزدەستىرۋ ءىس-شارالارى بارىسىندا ەسىل اۋداندىق كريمينالدىق پوليسيا باسقارماسىنىڭ قىزمەتكەرلەرى قىلمىسقا قاتىسى بار ازاماتتى انىقتادى.
اتالعان فاكتى بويىنشا ق ر قك-نىڭ 190-بابى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
قازىرگى ۋاقىتتا ونىڭ ەلوردادا جاسالعان وسىعان ۇقساس باسقا دا قىلمىسقا قاتىسى بار-جوعى انىقتالىپ جاتىر.