«اگرارلىق كرەديتتىك كورپوراسيا» اق-عا قازاقستاندىقتاردان كاسىپكەرلىك باستامالاردى ىسكە اسىرۋ ءۇشىن جاستارعا بەرىلەتىن جىلدىق 2،5%-بەن جەڭىلدىكتى ميكروكرەديتتەر الۋعا 761 ءوتىنىم ءتۇستى، دەپ حابارلايدى اlmaty-akshamy.kz turkystan.kz-كە سىلتەمە جاساپ.
2023 جىل ىشىندە بارلىعى 5 796 ميكروكرەديت بەرۋ جوسپارلانۋدا.
ميكروكرەديتتەر 21 جاستان 35 جاسقا دەيىنگى جاستارعا ءوز ءىسىن اشۋ نەمەسە كەڭەيتۋ ءۇشىن بەرىلەدى. ول ءۇشىن 5 جىلدان اسپايتىن مەرزىممەن جەكە كاسىپكەر رەتىندە تىركەلۋ قاجەت. بۇل رەتتە قاتىسۋشىلاردىڭ «اگرارلىق كرەديتتىك كورپوراسيا» اق-عا وتىنىممەن جۇگىنگەن ۋاقىتتاعى جاسى ەسكەرىلەدى.
«ميكروكرەديتتىڭ مولشەرى 5 ملن تەڭگەگە دەيىن، ال قاتىسۋدىڭ ەڭ ۇزاق مەرزىمى 5 جىلدان (كەز كەلگەن ماقساتقا)، 7 جىلعا دەيىن (مال شارۋاشىلىعى سالاسىنداعى جوبالار ءۇشىن) بولۋى مۇمكىن»، – دەلىنگەن حابارلامادا.
نومينالدى سىياقى مولشەرلەمەسى جىلدىق 2،5%-دان اسپايدى.
«ميكروكرەديت الۋشىلار ءۇشىن نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭ بەرىلەدى. ول ميكروكرەديت مەرزىمى ۇزاقتىعىنىڭ ۇشتەن بىرىنەن اسپايدى. كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى. ول رەتىندە جىلجىمالى (مامانداندىرىلعان تەحنيكا) جانە جىلجىمايتىن مۇلىك قابىلدانادى. كەپىلمەن قامتاماسىز ەتۋ بولماعان جاعدايدا كەپىل بەرۋشىنى (اتا-انالارىن، تۋىستارىن جانە ت.ب.) تارتۋعا بولادى»، – دەلىنگەن حابارلامادا.
ءوتىنىم بەرۋ ءۇشىن قۇجاتتار پاكەتىن «اگرارلىق نەسيە كورپوراسياسى» اق فيليالىنا تاپسىرۋ قاجەت.