پۋلدا نەبارى 761 ورىن بولاتىنى الدىن الا ەسكەرتىلگەن.
ونەركاسىپتى دامىتۋ قورىنىڭ باسقارما ءتوراعاسىنىڭ ورىنباسارى رينات عاپپاروۆ اۆتوكولىكتى نەسيەلەندىرۋ باعدارلاماسى نەلىكتەن شەكتەۋلى ەكەنىن ءتۇسىندىردى، دەپ حابارلايدى Almaty-akshamy.kz
رينات عاپپاروۆ پيلوتتىق پلاتفورمانىڭ ىسكە قوسىلۋىنا بەس كۇن قالعاندا حالىققا بار بولعانى 7،6 ميلليارد تەڭگە جينالعانىن، ال نەسيەنىڭ ماكسيمالدى سوماسى 10 ميلليون تەڭگە بولسا، پۋلدا نەبارى 761 ورىن بولاتىنىن الدىن الا ەسكەرتكەنىن ايتتى.
«ءبىز قازاقستاندىقتارعا بارىنە اۆتوكولىك نەسيەسىنە اقشا بولە المايتىنىمىزدى ەسكەرتتىك. ول مۇمكىن ەمەس. 761 ادام تىركەلدى، سوندىقتان 761 ادام تىركەلگەننەن كەيىن باتىرما ىستەمەي، قاتە كەتكەنىن كورسەتە باستادى. باعدارلامادا ولقىلىق بولدى، ونى ءبىز رەتتەيمىز. ناۋرىز ايىنان باستاپ اي سايىن ىسكە قوسىلادى. سول كەزدە ءبىز ولاردىڭ كوبىن تۇزەتەمىز دەپ ۇمىتتەنەمىن. ءبىراق ءبىز پلاتفورمانى جەتىلدىرۋ بويىنشا ۇنەمى جۇمىس اتقارامىز، ويتكەنى باعدارلاما 30 جىل بويى جۇمىس ىستەپ تۇرادى، ونىڭ 25 جىلىندا نەسيە بەرىلەدى، ال سوڭعى بەس جىل تەك وتەۋگە جۇمسالادى جانە سايكەسىنشە، ءبىز بۇكىل كەزەڭ ءۇشىن جۇمىس ىستەيمىز. ءوتىنىش بەرۋشىلەر كوپ بولدى، 761 ادام وتە جىلدام تىركەلدى، سايكەسىنشە، ءوتىنىش بەرىپ ۇلگەرمەگەندەردە قاتە كورسەتىلدى»، دەدى رينات عاپپاروۆ.
سپيكەر پلاتفورمانى قوسپاس بۇرىن ءۇش جۇكتەمە سىناعى جۇرگىزىلگەنىن ايتتى.
«ءوتىنىشتى قاراۋ كەزەڭىندە ءبارى بولادى، ءبىز شامامەن ءبىر ۋاقىتتا ميلليونعا دەيىن ادام كىرۋى كەرەك دەپ ەسەپتەگەن ەدىك، ويتكەنى ءبىز تەستىلەۋ كەزىندە بايلانىس ارناسىن كەڭەيتتىك، سەرۆەرلەر سانىن كەڭەيتتىك. ال كەشەگى جاعداي پلاتفورمامىز توتەپ بەرگەنىن كورسەتتى، ياعني سايت قۇلاماي، 761 ادام تىركەلدى. وسىلايشا، پلاتفورماعا قاتىستى نەگىزگى مىندەتىمىز ورىندالدى»، - دەدى رينات عاپپاروۆ.