اۋە قورعانىسى كۇشتەرى قۇرامىنداعى بايلانىس پولكىنىڭ 80-نەن اسا اسكەري قىزمەتشىسى اۋىر ناۋقاس بالالار ءۇشىن 36 ليتر قان تاپسىردى، دەپ حابارلايدى Almaty-akshamy.kz.
وسىلايشا ولار «مەن – دونورمىن» اكسياسىنا قاتىستى.
پروسەدۋرا الدىندا اسكەري قىزمەتشىلەر ساۋالناما تولتىرىپ، مەديسينالىق تەكسەرۋدەن ءوتتى. ولاردىڭ قانداعى گەموگلوبين دەڭگەيىن تەكسەرىپ، قان قىسىمى مەن تامىر سوعىسىن انىقتادى.
«مۇنداي اكسيالارعا ءارقاشان قاتىسۋعا تىرىسامىز. بالالاردىڭ اۋىر سىرقاتىمەن كۇرەسىپ جۇرگەن وتباسىلارعا وسىلايشا ءۇمىت سىيلايمىز. بۇل ولارعا اۋرۋدى جەڭۋگە سەپتىگىن تيگىزەتىنىنە سەنەمىن»، – دەپ اتاپ ءوتتى 78460 اسكەري ءبولىمى كومانديرىنىڭ تاربيە جانە يدەولوگيالىق جۇمىس جونىندەگى ورىنباسارى، پودپولكوۆنيك سەرىك سارابوزوۆ.
وفيسەرلەر، سەرجانتتار مەن ساربازدار اكسياعا قاتىسۋدى ءار ۋاقىت پارىزى ساناپ، بالالاردىڭ ساۋىعىپ كەتۋىنە شىن نيەتتەن تىلەكتەس.