جەڭىلدەتىلگەن اۆتونەسيەگە ەلەكتروندى كەزەك ىسكە قوسىلادى

وتىنىمدەردى قابىلداۋ 6 اقپان كۇنى ساعات 10:00-دە باستالادى.

ەلەكتروندى كەزەك ءۇشىن ارنايى autonesie.kz سايتى ازىرلەندى، دەپ حابارلايدى Almaty-akshamy.kz

جەڭىلدەتىلگەن اۆتوكرەديتتىڭ ەلەكتروندى كەزەگى 6 اقپاندا ىسكە قوسىلادى. بۇل تۋرالى ونەركاسىپتى دامىتۋ قورىنىڭ باسقارۋشى ديرەكتورى عالىمجان ءادي مالىمدەدى.

پورتالدى الدىمەن پيلوتتىق جوبا رەتىندە سىناپ كورەدى.

كومپيۋتەرگە NCALayer باعدارلاماسىن ورتانىپ العان ءجون. سەبەبى ەلەكتروندى سيفرلىق قولتاڭبانى قويۋ كەرەك بولادى. سايتتا ءوتىنىشتى ورىنداۋ بارىسىن باقىلاپ وتىرۋعا مۇمكىندىك بولادى.

«قازىرگى كەزدە ريەۆولۆەرلىك قارجىنىڭ كولەمى 7،6 ميلليارد تەڭگەنى قۇراپ وتىر. ال نەسيەنىڭ شەكتى كولەمى 10 ميلليون تەڭگە. سوندىقتان پلاتفورما قوسىلعاندا 760 ادام تىركەلە الادى. ادام سانى سوعان جاقىنداعان كەزدە پلاتفورما اۆتوماتتى تۇردە جابىلادى جانە ءوتىنىم قابىلدامايدى»، - دەدى عالىمجان ءادي.

اقپان ايىندا تىركەلۋگە ۇلگەرمەگەن ادامدار كەلەسى ايدا ءوتىنىش جىبەرە الادى.

«كەلەسى ايدا قايتارىلعان اقشانىڭ كولەمى، شامامەن، 100 ادامعا جەتەدى. سوندىقتان پلاتفورما اي سايىن اشىلعان كەزدە 100-دەن استام ورىن بولادى»، - دەپ اتاپ ءوتتى ول.