باعدارلاما اياسىنداعى قارجىلاندىرۋ تەتىگى باسەكەلەستىكتى شەكتەگەنى ايتىلدى
باسەكەلەستىكتى قورعاۋ جانە دامىتۋ اگەنتتىگى 2022 جىلى جەڭىلدەتىلگەن اۆتونەسيەلەۋ اياسىنداعى قارجىلاندىرۋ تەتىكتەرى باسەكەلەستىكتى شەكتەگەنىن انىقتادى، دەپ حابارلايدى Almaty-akshamy.kz.
ۆەدومستۆو جۇرگىزگەن تالداۋ اياسىندا 2020، 2021 جىلدار مەن 2022 جىلعى 9 اي كەزەڭىندەگى اۆتوكرەديتتەۋ قىزمەتتەرىنىڭ نارىعى جوعارى شوعىرلانعانىن، وندا 16 كرەديتتىك ۇيىمنىڭ قىزمەتىن جۇزەگە اسىراتىن انىقتالدى. بۇل رەتتە نارىقتىق ۇلەستىڭ 70%-ى «ەۋرازيالىق بانك» اق، «بانك سەنتر كرەديت» اق جانە «Kaspi Bank» اق-عا تيەسىلى.
«2022 جىلى جەڭىلدىكتى اۆتوكرەديتتەۋ باعدارلاماسىنا قاتىسۋ ەسەبىنەن «ەۋرازيالىق بانك» اق جانە «بانك سەنتر كرەديت» اق – دا اۆتوكرەديتتەر كولەمىنىڭ ءوسۋى بايقالادى (جتسم شەگى — 7،5%). جەڭىلدىكتى باعدارلامادان تىس بەرىلگەن اۆتوكرەديتتەردىڭ ەڭ كوپ كولەمى قايتالاما نارىقتا اۆتوكرەديتتەۋمەن اينالىساتىن «Kaspi Bank» اق-عا تيەسىلى، ونىڭ ىشىندە «كولەسا» سيفرلىق پلاتفورماسى ارقىلى. سونىمەن قاتار كوممەرسيالىق سەگمەنتتە جوعارى پايىزدىق مولشەرلەمەلەر كولەمى - 33% (جتسم شەگى – 40%)، كرەديتتىك جانە ساقتاندىرۋ ۇيىمدارىن تاڭۋ ىس-ارەكەتتەرى بايقالادى»، - دەلىنگەن بقدا حابارلاماسىندا.
اگەنتتىڭ وسىلايشا، وتكەن جىلى جەڭىلدەتىلگەن اۆتونەسيەلەۋ شەڭبەرىندە قارجىلاندىرۋ تەتىگىن زەردەلەۋ اۆتوموبيل وندىرۋشىلەر اراسىندا دا، باعدارلاماعا قاتىساتىن ەكىنشى دەڭگەيدەگى بانكتەر اراسىندا دا باسەكەلەستىكتىڭ شەكتەلۋىن كورسەتتى.
ۇكىمەتتىڭ 2021 جىلعى 2 قىركۇيەكتەگى № 604 قاۋلىسى نەگىزىندە قارجىلاندىرۋ كولەمىن (100 ملرد. تەڭگە) اۆتووندىرۋشىلەر ءوزارا ءبولدى (ونەركاسىپتىك كاسىپورىندار وكىلدەرى كوميسسياسىنىڭ 2022 جىلعى 13 مامىرداعى حاتتاماسى).
سودان سوڭ، وسىنداي ءبولۋدى اكىمشىلەندىرۋ ماقساتىندا ونەركاسىپتىك دامۋدى دامىتۋ قورى كورسەتىلگەن كولەمدى ەكىنشى دەڭگەيدەگى 4 بانككە بولە وتىرىپ، ولاردىڭ ءارقايسىسىنا ءاربىر ءوندىرۋشى ءۇشىن قارجىلاندىرۋ ليميتتەرىن (قارىزدار سوماسىنىڭ شەكتەرىن) بەلگىلەدى.
«جالپى العاندا، جەڭىلدەتىلگەن اۆتونەسيەلەۋدى قارجىلاندىرۋ حالىقتىڭ سۇرانىسىن قاناعاتتاندىرۋ ءۇشىن وتاندىق قۇراستىرىلعان اۆتوموبيلدەردىڭ قاجەتتى سانىمەن الدىن الا قامتاماسىز ەتۋسىز جۇزەگە اسىرىلعانىن اتاپ وتكەن ءجون، بۇل ءوز كەزەگىندە اۆتوموبيلدەر باعاسىنىڭ وسۋىنە تۇرتكى بولدى»، - دەلىنگەن حابارلامادا.