الداعى دەمالىس كۇندەرى ساعات 8.00-دەن 17.00-گە دەيىن الماتىدا الماتى وبلىسىنىڭ جاقىن ماڭداعى اۋداندارىنىڭ (قاراساي، جامبىل، ىلە، تالعار جانە ەڭبەكشىقازاق) شارۋا قوجالىقتارىنىڭ، سونداي-اق الماتى قالاسىنىڭ ازىق-تۇلىك كاسىپورىندارىنىڭ قاتىسۋىمەن «دەمالىس كۇندەرىندەگى» اۋىل شارۋاشىلىق جارمەڭكەلەرى وتكىزىلەدى، دەپ حابارلايدى Almaty-akshamy.kz.
اسسورتيمەنتتە 50-دەن استام ءونىم اتاۋى بار (ەت-سۇت، جەمىس-كوكونىس، شۇجىق ونىمدەرى، جەمىستەر، ۇن، جارما، وسىمدىك جانە جانۋارلار مايلارى جانە ت.ب.). بارلىعى 300 توننادان استام ونىمدەر قويىلادى.
«دەمالىس كۇندەرىندەگى» جارمەڭكەلەر اپتا سايىن وتەدى. جىل باسىنان بەرى الماتى قالاسىندا 296 جارمەڭكە وتكىزىلدى. ءونىمنىڭ باعاسى ورتاشا نارىقتاعى ەسەپتەن 15-20%-عا تومەن.
«دەمالىس كۇندەرىندەگى» اۋىلشارۋاشىلىق جارمەڭكەلەرى كەلەسى مەكەن-جايلار بويىنشا وتەدى:
- المالى اۋدانى (گوگول - ماسانچي كوشەسى)؛
- بوستاندىق اۋدانى («قازاقفيلم» ش/ا)؛
- اۋەزوۆ اۋدانى (اباي داڭعىلى - وتەگەن باتىر كوشەسىندەگى قيىلىسى)؛
- مەدەۋ اۋدانى (مەڭدىقۇلوۆ - بەكتۇروۆ كوشەلەرىنىڭ قيىلىسى جانە شيەۆچەنكو - قونايەۆ كوشەلەرىنىڭ قيىلىسى).