جەڭىل اتلەتيكادان قازاقستان قۇراماسىنىڭ وكىلى نورا دجەرۋتو جاپونيانىڭ توكيو قالاسىندا ءوتىپ جاتقان الەم چەمپيوناتىنىڭ فينالىندا ب ا ق سىنادى، - دەپ حابارلايدى Aqshamnewsw.kz.
سپورتشى 3000 مەتر قاشىقتىققا توسقاۋىلدار ارقىلى جۇگىرۋدەن شەشۋشى كەزەڭگە جولداما العان بولاتىن.
فينالدىق سايىستا دجەرۋتو الدىڭعى توپتا كەلە جاتتى. سوڭعى اينالىمدا قولا جۇلدە ءۇشىن تالاستى.
الايدا سوڭعى توسقاۋىلداردىڭ بىرىندە ءسۇرىنىپ، قۇلاپ قالدى. ناتيجەسىندە التىنشى بولىپ مارە سىزىعىن كەستى - 9:06.34.
كەنيالىق فەيت چەروتيچ جەڭىسكە جەتتى - 8:51.59. باحرەين اتىنان سىنعا تۇسكەن ۆينفرەد ياۆي ەكىنشى ورىنعا تابان تىرەدى - 8:56.46. ۇزدىك ۇشتىكتى ەفيوپيالىق سەمبو المايۋ تۇيىندەدى - 8:58.86.