2025 جىلدىڭ ناۋرىزىنا قالدىرىلدى.
World Athletics كەڭەسى 2023 جىلدىڭ 17-29 ناۋرىز ارالىعىندا بولاتىن نانكين قالاسىندا (جۇڭگو) جابىق ويىن الاڭداردا ءوتۋى ءتيىس جەڭىل اتلەتيكادان الەم چەمپيوناتىن كەيىنگە قالدىرۋ تۋرالى شەشىم قابىلدادى، دەپ حابارلايدى Almaty-akshamy.kz Olympic.kz سىلتەمە جاساپ.
نانكيندەگى الەم كۋبوگى 2025 جىلدىڭ ناۋرىزىنا دەيىن كەيىنگە قالدىرىلادى (ناقتى كۇندەر كەيىنىرەك انىقتالادى). بۇل شەشىم پاندەمياعا بايلانىستى نانكين ۇيىمداستىرۋ كوميتەتىنىڭ جانە جۇڭگو جەڭىل اتلەتيكا قاۋىمداستىعىنىڭ (CAA) كەلىسىمىمەن قابىلداندى.
نانكيندەگى چەمپيونات ءۇشىنشى رەت كەيىنگە قالدىرىلدى، باستاپقىدا ول 2020 جىلى وتكىزىلۋى كەرەك ەدى، سودان كەيىن 2021 جىلدىڭ ناۋرىزىنا دەيىن كەيىنگە قالدىرىلدى، بەرتىن كەلە 2023 جىلدىڭ ناۋرىزىنا اۋىستىرىلدى. وسىلايشا، جەڭىل اتلەتيكادان جابىق الاڭداردا وتەتىن كەلەسى الەم چەمپيوناتى 2024 جىلدىڭ 1-3 ناۋرىز ارالىعىندا گلازگودا وتەتىن بولىپ شەشىلدى. سونداي-اق، 2026 جىلعى الەم چەمپيوناتىن وتكىزۋگە ءوتىنىم بەرۋ پروسەسى باستالدى.