بيىل الماتىدا جەمقورلىقتىڭ كۋاگەرى بولعان 6 ازاماتقا 4 ملن 486 مىڭ تەڭگە سوماسىندا سىياقى بەرىلگەن.
بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى مالىمدەدى، دەپ حابارلايدى aqshamnews.kz.
«جەمقورلىق تۋرالى حابارلاعان ادامعا بەرىلەتىن سىياقىنىڭ كولەمى ءارتۇرلى. پارا نەمەسە كەلتىرىلگەن زالال سوماسى 1 مىڭ ايلىق ەسەپتىك كورسەتكىشتەن (3 ملن. 692 مىڭ تەڭگە) اسپايتىن بولسا 30-دان 100 ايلىق ەسەپتىك كورسەتكىشكە دەيىن سىياقى (110 760 تەڭگەدەن 369 200 تەڭگەگە دەيىن) بەرىلەدى. كورسەتىلگەن سومادان جوعارى بولسا –پارانىڭ 10%-ىنا تەڭ بولادى، ءبىراق 4 مىڭ ايلىق ەسەپتىك كورسەتكىشتەن اسپاۋى قاجەت (14 ملن. 760 مىڭ تەڭگە)»، دەلىنگەن دەپارتامەنتتىڭ حابارلاماسىندا.
سىياقىنىڭ ەڭ كوبى - 3 ملن. 745 مىڭ، پارا سوماسىنىڭ ون پايىزىنا تەڭ بولعان.
دەپارتامەنتتىڭ ايتۋىنشا سىبايلاس جەمقورلىقتىڭ، پارا بەرۋدىڭ كۋاسى بولعان ازاماتتار «ە-وتىنىش» اقپاراتتىق جۇيەسى ارقىلى ءوتىنىش قالدىرۋلارىنا بولادى نەمەسە سىبايلاس جەمقورلىققا قارسى قىزمەتتىڭ 1424 Call-ورتالىعىنا حابارلاسا الادى.