مەملەكەتتىك كەڭەسشى سىبايلاس جەمقورلىققا قارسى ءىس-قيمىل جونىندەگى كوميسسيا وتىرىسىن وتكىزدى
مەملەكەتتىك كەڭەسشى ەرلان ءقاريننىڭ توراعالىعىمەن قازاقستان رەسپۋبليكاسى پرەزيدەنتى جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسى ءوتتى، دەپ حابارلايدى Almaty-akshamy.kz اقورداعا سىلتەمە جاساپ.
جيىندا ءبىلىم جانە دەنساۋلىق ساقتاۋ سالالارىنا قاتىستى سىبايلاس جەمقورلىققا قارسى ءىس-قيمىل جونىندەگى كەشەندى جوسپاردىڭ ورىندالۋ بارىسى قاراستىرىلدى. مەملەكەت باسشىسىنىڭ تاپسىرماسى بويىنشا قولعا الىنعان بۇل جۇمىس تۇرمىستىق سىبايلاس جەمقورلىققا قارسى ءىس-قيمىلدىڭ ماڭىزدى بولىگى بولىپ سانالادى.
تالقىلاۋ قورىتىندىسى بويىنشا مەملەكەتتىك كەڭەسشى قۇقىق قورعاۋ جانە باقىلاۋشى ورگانداردىڭ اقپاراتىنا سايكەس ءتيىستى مەملەكەتتىك ورگاندار تاراپىنان اتقارىلعان جۇمىسقا قاراماستان، اتالعان سالالاردا سىبايلاس جەمقورلىققا قارسى ءىس-شارالاردى كۇشەيتۋ قاجەت ەكەنىن اتاپ ءوتتى.
وسىعان بايلانىستى مۇددەلى مەملەكەتتىك ورگاندار الدىندا كەشەندى جوسپاردى وزەكتەندىرۋ جونىندە مىندەتتەر بەلگىلەندى.