ءتىزىلىمدى اگەنتتىكتىڭ ءوزى جۇرگىزەدى.
سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بەكايداروۆتىڭ ايتۋىنشا، جەمقورلاردى قازاقستاننان شىعارماۋ تەتىگى قاراستىرىلىپ جاتىر، دەپ حابارلايدى aqshamnews.kz
«ءتيىستى ۇسىنىستار بىزدە بار. ءقازىر باسقا مەملەكەتتىك ورگاندارمەن بىرلەسىپ، وسى ماسەلەنى تالقىلاپ جاتىرمىز»، – دەيدى ول.
پارلامەنتتە سىبايلاس جەمقورلىققا قارسى ءىس-قيمىل ماسەلەلەرى بويىنشا زاڭعا ەنگىزىلەتىن وزگەرىستەر مەن تولىقتىرۋلار بۇعان دەيىن تالقىلانعان ەدى.
انتيكور ءتوراعاسىنىڭ ورىنباسارى ۇلان سارقۇلوۆتىڭ ايتۋىنشا، زاڭ جوباسى بويىنشا ەڭ الدىمەن، سىبايلاس جەمقورلاردىڭ جاريا ءتىزىلىمىن ەنگىزۋ كوزدەلگەن.
«بۇل – پروفيلاكتيكالىق قۇرال. ونىڭ باستى ماقساتى – قوعامدىق ءمىن تاعۋمەن، قوعامدا سىبايلاس جەمقورلىققا توزبەۋشىلىكتى قالىپتاستىرۋ. تىزىلىمدە اۋىر نەمەسە اسا اۋىر سىبايلاس جەمقورلىق قىلمىستار جاساعانى ءۇشىن سوتتالعاندار تۋرالى مالىمەتتەر قامتىلادى. سوتتىڭ زاڭدى كۇشىنە ەنگەن ايىپتاۋ ۇكىمى تىزىلىمىگە ەنگىزۋگە نەگىز بولىپ تانىلادى»، – دەيدى ول.
تىزىلىمىنەن اقتاۋ ۇكىمىنىڭ زاڭدى كۇشىنە ەنۋى جانە سوتتىلىقتىڭ وتەلۋى نەگىزىندە شىعارۋ مۇمكىن بولادى. ءتىزىلىم اگەنتتىكتىڭ سايتىندا ورنالاستىرىلادى.