سەنت-لۋيس قالاسىنداعى ۆاشينگتون ۋنيۆەرسيتەتىنىڭ زەرتتەۋى جەمىستەردىڭ كەيبىر تۇرلەرى قاتەرلى ىسىك اۋرۋىنىڭ ءوسۋىن تەزدەتۋى مۇمكىن ەكەنىن كورسەتكەن، الايدا قازىرگى ۋاقىتتا زەرتتەۋ ناتيجەلەرى تەك جانۋارلار بويىنشا راستالعان، دەپ حابارلايدى aqshamnews.kz.
عالىمدار جەمىستەردىڭ تەرى، ءسۇت بەزى جانە جاتىر موينى قاتەرلى ىسىكتەرىنە اسەرىن ارنايى زەرتتەگەن.
زەرتتەۋ بارىسىندا قاتەرلى ىسىككە شالدىققان تىشقاندار مەن دانيو بالىقتارىنا ۇزاق ۋاقىت بويى جەمىستەر كوپ قوسىلعان تاعام بەرىلگەن. باسقا توپتاعى جانۋارلارعا قالىپتى تاعام بەرىلىپ، كەيىن ولاردىڭ ىسىكتەرىنىڭ ءوسۋ جىلدامدىعىن سالىستىرعان.
عالىمدار جەمىستەردىڭ قاتەرلى ىسىكتەر اۋرۋىنىڭ ءورشي تۇسۋىنە سەپتڭگڭن تيگىزەدى دەپ بولجايدى، ويتكەنى ول ىسىك كلەتكالارىنا "وتىن" بولادى. الايدا، جەمىستەردىڭ ءوزى تىكەلەي راك كلەتكالارىنا تۇسپەيدى. ونىڭ ورنىنا، جەمىستەر وڭدەلگەن كەزدە باۋىردا ءتۇرلى مايلار – ليپيدتەر پايدا بولادى، ولار ىسىك كلەتكالارى ءۇشىن "تاماق" رەتىندە پايدالانىلادى. بۇل ليپيدتەر راك ىسىكتەرىنىڭ كلەتكالىق مەمبرانالارىن قۇرۋ ءۇشىن قاجەتتى قۇرىلىس ەلەمەنتتەرى رەتىندە قىزمەت ەتەدى.
«ورگانيزمگە تۇسكەن زاتتار دەنى ساۋ كلەتكالارمەن ءسىڭىرىلىپ، ىسىكتەردىڭ پايدالانۋىنا جارامدى زاتتارعا اينالۋى مۇمكىن»، – دەدى زەرتتەۋ اۆتورلارىنىڭ ءبىرى، گەري پاتتي.
سوندىقتان ول راك اۋرۋىنا شالدىققان ادامدارعا جەمىستەردەن اۋلاق بولۋعا كەڭەس بەرەدى. سونىمەن قاتار، زەرتتەۋ ناتيجەلەرى بولاشاقتا ىسىك وسۋىنە جەمىستەردىڭ اسەرىن توقتاتۋ ءۇشىن دارىلەر ازىرلەۋدە پايدالانىلۋى مۇمكىن.
عالىمدار كلينيكالىق زەرتتەۋلەر جۇرگىزۋدى جوسپارلاپ وتىر، ءبىراق ادامدار ءۇشىن سەنىمدى ناتيجەلەردى الۋ بىرنەشە جىلعا سوزىلۋى مۇمكىن.