الماتىنىڭ اۋەزوۆ اۋدانىندا 41 جىل بۇرىن پايدالانۋعا بەرىلگەن قۇبىر اۋىستىرىلدى
الماتىدا ساين – تولە بي – وتەگەن باتىر – رايىمبەك كوشەلەرىنىڭ اۋقىمىنداعى اۋلا ءىشى اۋماعى بويىنشا توسەلگەن قۇبىر اۋىستىرىلدى. بيىل جاڭعىرتىلعان ۋچاسكەنىڭ ۇزىندىعى 901 مەتردى قۇرايدى، دەپ حابارلايدى aqshamnews.kz
اۋىستىرىلعان قۇبىر 1983 جىلى پايدالانۋعا بەرىلگەن ەدى، ول 17 كوپپاتەرلى تۇرعىن ءۇيدى، 2 جەكە تۇرعىن ءۇيدى، 1 بالاباقشانى جانە باسقا دا 4 نىساندى جىلۋ جانە ىستىق سۋمەن قامتاماسىز ەتىپ وتىر.
جالپى، بيىل قالادا الماتى اكىمى ەربولات دوسايەۆتىڭ تاپسىرماسىمەن ۇزىندىعى 20 شاقىرىم جىلۋ جەلىلەرى قايتا جاڭعىرتىلدى. جاڭعىرتۋ جۇمىستارى جىل سايىن جىلىتۋارالىق كەزەڭدە جۇرگىزىلەدى، بيىل ولار الماتى قالاسىنىڭ 6 اۋدانىندا اتقارىلدى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.