ق ر اۋىل شارۋاشىلىعى ۆيسە-مينيسترى امانعالي بەردالين ءتوراعالىق ەتكەن جەدەل شتاب وتىرىسىندا مالدىڭ قىستىق ازىعىن دايىنداۋ ماسەلەسى تالقىلاندى.
مال شارۋاشىلىعى دەپارتامەنتى ديرەكتورىنىڭ مىندەتىن اتقارۋشى باعلان ايمۇرزايەۆتىڭ ايتۋىنشا، الداعى قىسقا 24،6 ملن توننا پىشەن، 1،4 ملن توننا پىشەندەمە، 1،8 ملن توننا سۇرلەم، 4،2 ملن توننا سابان جانە 4،5 ملن توننا قۇراماجەم دايىندالدى، دەپ حابارلايدى Almaty-akshamy.kz ق ر اشم سايتىنا سىلتەمە جاساپ.
وتكەن جىلى جينالعان قوردى قوسا ەسەپتەگەندە جەم-شوپتىڭ بارلىق ءتۇرى بويىنشا دايىندالعان مال ازىعىنىڭ جالپى كولەمى 39،9 ملن توننا.
پاۆلودار وبلىسىنداعى كليماتتىق جاعدايعا بايلانىستى قۋاڭشىلىقتىڭ سالدارىنان شارۋالار شابىندىققا دەر كەزىندە شىعا المادى. سوندىقتان فەرمەرلەرگە ورماندى القاپتاعى جانە باسقا دا قورلاردان شابىندىق جەر بەرىپ، قوسىمشا ديزەل وتىنىن ءبولۋ ارقىلى قولداۋ كورسەتىلدى. وسىنىڭ ناتيجەسىندە وبلىستا 1،5 ملن توننا ءشوپ دايىندالدى.
ال باتىس قازاقستان وبلىسىندا ءشوپ دايىنداۋ قارقىنى رەسپۋبليكالىق دەڭگەيدەن تومەن. سونداي-اق باتىس قازاقستان، تۇركىستان، شىعىس قازاقستان وبلىستارىندا قۇنارلانعان ازىق دايىنداۋدىڭ قارقىنى تومەن ەكەنى بايقالادى.
امانعالي بەردالين 2023 جىلدىڭ 1-قىركۇيەگىنەن باستاپ 2023 جىلدىڭ 31-جەلتوقسانىنا دەيىن «قازاقستان تەمىر جولى» ۇلتتىق كومپانياسى ماڭعىستاۋ وبلىسىنىڭ فەرمەرلەرىنە جەم-شوپ تاسىمالداۋ تاريفتەرىنىڭ دەڭگەيىن 80%-عا تومەندەتكەنىن اتاپ ءوتتى. ءبىراق مال ازىعىن دايىنداۋ قارقىنى ازىرگە قاجەتتى دەڭگەيگە جەتكەن جوق.
وتىرىستا ايتىلعان ماسەلەلەردى ەسكەرە وتىرىپ، ۆيسە-مينيستر ماڭعىستاۋ وبلىسىنىڭ اكىمدىگىنە «قازاقستان تەمىر جولى» ۇلتتىق كومپانياسى ۇسىنىپ وتىرعان جەڭىلدەتىلگەن تاريفتەردى بارىنشا قولدانۋدى، جوسپارلانعان مال ازىعىن جەتكىزۋدى تاپسىردى. اقتوبە، باتىس قازاقستان، شىعىس قازاقستان، جامبىل جانە تۇركىستان وبلىستارىنىڭ اكىمدىكتەرىنە جەم-شوپ دايىنداۋ بارىسىن قاتاڭ باقىلاۋعا الۋدى مىندەتتەدى.
بۇدان بولەك ۆيسە-مينيستر بارلىق وبلىس اكىمدىكتەرىنە دايىندالعان جەم-شوپتى مال قىستايتىن ورىندارعا جانە مال ۇستاپ وتىرعان اۋىل تۇرعىندارىنا ۋاقىتىلى جەتكىزۋ ءۇشىن ءتيىستى شارالار قابىلداۋدى تاپسىردى.