الماتىدا 1986 جىلعى جەلتوقسان وقيعاسىنا ارنالعان عىلىمي كونفەرەنسيا ءوتتى.
الماتىدا «جەلتوقسان-86: تاريحي تاعىلىم جانە جوعارى ساياسي جاۋاپكەرشىلىك مادەنيەتىن قالىپتاستىرۋ ماسەلەلەرى» تاقىرىبىندا عىلىمي كونفەرەنسيا ءوتتى،دەپ حابارلايدى Almaty-akshamy.kz.
كونفەرەنسياعا بەلگىلى قازاقستاندىق عالىمدار مەن ساراپشىلار، مەملەكەت جانە قوعام قايراتكەرلەرى قاتىستى.
فيلوسوفيا، ساياساتتانۋ جانە ءدىنتانۋ ينستيتۋتىنىڭ باس ديرەكتورى سەرىك سەيدۋمانوۆ، فيلوسوفيا عىلىمدارىنىڭ كانديداتى ايدار امرەبايەۆ، عالىم رۇستەم قازاقبايەۆ، ت.ب. زيالىلار ويلارىن ورتاعا سالدى.
ۇيىمداستىرۋشىلار شارانىڭ ماقساتى جەلتوقسان وقيعاسىنا قاتىسۋشىلارعا لايىقتى قۇرمەت كورسەتۋ ەكەنىن اتاپ ءوتتى.
– تاريح بىزگە – وتاندىق ساراپشىلار مەن عالىمدارعا قوعامدى تۇرلەندىرۋ جانە قازاقستاندى شىن مانىندە دەموكراتيالىق ينستيتۋتتارى بار دامىعان ەلگە اينالدىرۋ بويىنشا جاۋاپتى جۇمىستى باستاۋ ءۇشىن كۇش-جىگەرىمىزدى بىرىكتىرۋگە وتە نازىك مۇمكىندىك بەرەدى، – دەدى سەرىك تۇرار ۇلى.
كونفەرەنسياعا قاتىسۋشىلار دەموكراتيالىق ادىلەتتى مەملەكەت قۇرۋ ۇدەرىستەرىن تەوريالىق تۇرعىدان ءتۇسىنۋدىڭ وزەكتى ماسەلەلەرىن تالقىلادى جانە تاۋەلدى كۇتۋ مەن قۇقىقتىق نيگيليزم تەندەنسيالارىن الماستىرۋ ءۇشىن قوعامدىق سانادا جاسامپازدىق تەندەنسيالار يدەالدارىن تۋدىردى.
– 1986 جىلى جاسىم 27-گە تاياپ قالدى. مەنىڭ ۇلىم ءۇش جاستا. 16-سى كۇندىزگى ساعات ەكىلەر شاماسىندا راديو ارقىلى حابار بەرىلدى. وسى كەزەڭدە مەن ءتۇسىرىلىم الاڭىندا بولدىم. كەنەت تۇندە ءتۇسىرىلىم توبى الماتىعا كەتىپ بارا جاتىرمىز دەدى. ال ءبىز كەلەسى كۇنى كەلدىك. قونايەۆتىڭ ورنىنان الىنعانىنا بۇكىل حالىق قاتتى تولقىدى»، - دەپ، اكتريسا ءارى «جەلتوقسان-86-تاۋەلسىزدىك قىراندارى» قوزعالىسىنىڭ ءتوراعاسى گۇلباھرام ءجۇنىس سول كۇندەردىڭ وقيعالارىن ەسكە الدى.
