9 ملرد تەڭگەدەن استام قاراجات بولەدى.
حالىقتىڭ الەۋمەتتىك وسال توپتارىنان شىققان 2267 ستۋدەنت «قازاقستان حالقىنا» قوعامدىق قورىنىڭ ءبىلىم بەرۋ گرانتتارىنىڭ يەگەرى اتاندى، دەپ حابارلايدى Almaty-akshamy.kz Baq.kz سىلتەمە جاساپ.
قور وقۋ اقىسى مەن شاكىرتاقىنى تولەۋگە 9 ملرد تەڭگەدەن استام قاراجات بولەدى. قوردىڭ قايىرىمدىلىق باعدارلاماسى بيىل العاش رەت 2022-2023 وقۋ جىلىندا جۇزەگە اسىرىلىپ جاتىر.
گرانت باكالاۆريات باعدارلامالارى بويىنشا 1 ميلليون تەڭگەگە دەيىنگى وقۋ قۇنىن وتەيدى جانە وقۋعا ءتۇسۋ ءۇشىن ۇبت-نىڭ قاجەتتى ءوتۋ بالىن جيناعان جانە مەملەكەتتىك نەمەسە وزگە گرانت الماعان تالاپكەرلەرگە، سونداي-اق بايقاۋ شارتتارىنا سايكەس اقىلى بولىمدەردىڭ ستۋدەنتتەرىنە بەرىلەدى.
مۇگەدەكتىگى بار، جەتىم نەمەسە كامەلەتكە تولعانعا دەيىن اتا-اناسىنىڭ قامقورلىعىنسىز قالعان، اۋىلدىق جەرلەردە از قامتىلعان وتباسىلاردان، مۇگەدەكتىگى بار بالالاردى تاربيەلەپ وتىرعان وتباسىلار قاتارىنان، اتا-اناسى مۇگەدەك بولىپ تابىلاتىن اۋىلدىق مەكتەپ تۇلەكتەرى مەن اقىلى بولىمدەگى ستۋدەنتتەر «قازاقستان حالقىنا» قق ءبىلىم بەرۋ گرانتتارى» باعدارلاماسى اياسىندا 86 جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا (ججوكبۇ) وقىپ، ستيپەنديا الادى. گرانتتى «وتەۋدىڭ» قاجەتتىلىگى جوق جانە شاكىرتاقى ۇلگەرىمگە قاراماستان تولەنەتىن بولادى.
از قامتىلعان وتباسىلاردىڭ، جەتىم بالالار مەن مۇگەدەك بالالاردىڭ كوپشىلىگىنىڭ جوعارى ءبىلىم الۋ ءۇشىن قارجىلىق مۇمكىندىگى جوق. ەلىمىزدە ىسكە اسىرىلىپ جاتقان مەملەكەتتىك باعدارلامالار بارلىق مۇقتاج جاننىڭ قاجەتتىلىگىن وتەي المايدى. سوندىقتان «قازاقستان حالقىنا» قورى ءبىلىم بەرۋ گرانتتارى بويىنشا قايىرىمدىلىق باعدارلاماسىن ىسكە قوسىپ، جاستارعا جولداما بەرىپ وتىر، – دەپ اتاپ ءوتتى «قازاقستان حالقىنا» قورىنىڭ باسشىسى بولات جامىشيەۆ.
گرانت يەگەرلەرىنىڭ ءبىرى – قوستانايلىق مەيرام يمانوۆ. ەستۋ قابىلەتى بويىنشا مۇگەدەك جىگىت ا.بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنىڭ دەنە شىنىقتىرۋ ءبولىمىنىڭ ءبىرىنشى كۋرسىندا وقيدى.
بالا كەزىمنەن سپورتپەن شۇعىلدانامىن جانە ءاردايىم وسى ماماندىققا ءتۇسۋدى ارماندايتىنمىن. وكىنىشكە وراي، بيىل مەملەكەتتىك گرانتقا تۇسە المادىم. الايدا، پرەزيدەنتىمىزدىڭ باستاماسىمەن قۇرىلعان «قازاقستان حالقىنا» قورى ماعان تەگىن ءبىلىم الۋعا مۇمكىندىك بەردى. قازىرگى ۋاقىتتا مەن ۇستەل تەننيسىنەن سپورت شەبەرىمىن جانە فۋتبولدان سپورت شەبەرىنە ۇمىتكەرمىن. بولاشاقتا ءمۇعالىم اتانىپ، ەرەكشەلىكتەرى بار بالالاردى وقىتۋدى كوزدەپ وتىرمىن. وقۋ ءۇردىسى وتە ۇنايدى. ۋنيۆەرسيتەت ناعىز مامان اتانۋ ءۇشىن ساپالى ءبىلىم بەرۋدە. مەملەكەت باسشىسىنا جانە «قازاقستان حالقىنا» قورىنا مۇمكىندىك بەرگەنى ءۇشىن، سونداي–اق وقۋ ورنىنا ساپالى ءبىلىمى ءۇشىن العىس ايتقىم كەلەدى، – دەيدى مەيرام يمانوۆ.
ءبىلىم بەرۋ گرانتتارىن الۋ ءۇشىن اعىمداعى جىلعى تالاپكەرلەردەن بارلىعى 740 ءوتىنىم كەلىپ ءتۇستى، ونىڭ ىشىندە 729 ستۋدەنتكە گرانت تاعايىندالدى. بۇل رەتتە بايقاۋدى ججوكبۇ جانىنان قۇرىلعان كوميسسيالار وتكىزدى.
اقىلى بولىمدە وقىپ جاتقان ستۋدەنتتەر اراسىنداعى گرانتتار بايقاۋى قوردىڭ سەرىكتەستەرى – «Taiburyl» قب جانە «ەنداۋمەنت كازگيۋۋ» كق پلاتفورماسى ارقىلى 3 كەزەڭدە ءوتتى. ستۋدەنتتەردەن 6418 ءوتىنىم بەرىلدى. «تايبۋرىل» قب جانە «ەنداۋمەنت كازگيۋۋ» كق كونكۋرستىق كوميسسيالارىنىڭ قورىتىندىسى بويىنشا 1538 ستۋدەنت قور گرانتىنا يە بولدى. يگەرىلگەن گرانتتاردىڭ جالپى سانى – 2267 قۇرادى. گرانت العان ستۋدەنتتەردىڭ ءتىزىمى قوردىڭ سايتىندا جاريالاندى. ناتيجەسىندە الداعى 4 جىلعا 2267 ستۋدەنتپەن جانە 86 ججوكبۇ-مەن (6 جىلعا مەديسينالىق جوعارى وقۋ ورىندارىمەن) 9 ملرد تەڭگەدەن استام سوماعا شارت جاسالدى.