جەلىدە كىسى قولىنان جاراقات العان شىمكەنت قالاسى اكىمىنىڭ ورىنباسارى رۋسلان بەردەنوۆتىڭ اۋرۋحانا پالاتاسىندا جاتقان سۋرەتى پايدا بولدى، - دەپ حابارلايدى Aqshamnews.kz ءتىلشىسى Tengrinews.kz-كە سىلتەمە جاساپ.
Facebook جەلىسىندە رۋسلان بەردەنوۆپەن تۇسكەن سۋرەتتى كاسىپكەر مارعۇلان سەيسەمباي جاريالادى. سۋرەتتە قارۋ وعىنان امان قالعان شەنەۋنىك اۋرۋحانا توسەگىندە جاتىر، وڭ قولى تاڭىلعان.
ەسكە سالايىق، 21 ءساۋىر كۇنى كەشكە رۋسلان بەردەنوۆكە قالالىق اكىمدىك عيماراتىنىڭ ماڭىندا قاستاندىق جاسالعان بولاتىن. شەنەۋنىك جارالانىپ، اۋرۋحاناعا جەتكىزىلدى. ءقازىر ول اۋرۋحانادا جاتىر، وعان مەديسينالىق كومەك كورسەتىلىپ جاتىر. كۇدىكتى قاماۋعا الىنىپ، قىلمىستىق ءىس قوزعالدى.