الەۋمەتتىك جەلىدە نۇرلان قويانبايەۆتىڭ فەيك سۇحباتى تارادى، دەپ حابارلايدى almaty-akshamy.kz stopfake.kz سىلتەمە جاساپ.
«جالعان سۇحبات» تۋرالى ماقالا جاريالانعان سايت سىرتتاي NUR.KZ رەسۋرسىنا ۇقساس ەتىپ جاسالعان، دەگەنمەن وعان ەشقانداي قاتىسى جوق.
ماقالادا پايدالانىلعان سۋرەتتەر – رۋسلان شاەكيننىڭ YouTube ارناسىنداعى ۆيدەودان جاسالعان سكرينشوتتار.
ماقالانىڭ مازمۇنى جالعان، ونىڭ ماقساتى كريپتوۆاليۋتا ساۋداسىنا ارنالعان پلاتفورمانى جارنامالاۋ بولىپ تابىلادى. وقىرماندارعا از ۋاقىت ىشىندە تەز جانە كوپ تابىس تابۋ ۇسىنىلادى، ءبىراق بۇل ءۇشىن الدىمەن دەپوزيت سالۋ كەرەك. ۆيدەو سۇحباتتىڭ ءتۇپنۇسقاسىندا نۇرلان قويانبايەۆ كريپتوۆاليۋتا، قانداي دا ءبىر ينتەرنەت-رەسۋرستارداعى ساۋدا جاساۋ تۋرالى ايتپايدى. رۋسلان شاەكينمەن اڭگىمەلەسۋ بارىسىندا ول ءوزى تۋرالى ايتىپ، كينويندۋستريا جايلى وي قوزعايدى.
وسى سياقتى جالعان سۇحبات-ماقالالار جەلىدە بۇعان دەيىن دە تاراعانىن ايتا كەتكەن ءجون. مىسالى، قازاقستاندا تانىمال تۇلعالار، ونىڭ ىشىندە قارجى ءمينيسترى مەن ق ر پرەمەر-مينيسترى سۇحبات بەرىپ، سيفرلىق اقشامەن ساۋدا جاساۋعا ارنالعان بوتتى جارنامالاعان. مۇنداي ماقالالاردىڭ ءماتىنى پايدالانۋشىلاردىڭ نازارىن اۋدارۋ جانە ولاردى اقشا جۇمساۋعا يتەرمەلەۋ ءۇىشن ءبىر ۇلگىدە جازىلعان.
مۇنداي ويدان شىعارىلعان «سەنساسيالارعا» سەنبەگەن ءجون.