الەۋمەتتىك جەلىلەردە بۇكىل پلانەتانى قامتيتىن كۇشتى جەر سىلكىنىستەرى تۋرالى حابارلامالار تارادى. توتەنشە جاعدايلار مينيسترلىگىنىڭ سەيسمولوگيا ينستيتۋتى بۇل قاۋەسەتتەرگە تۇسىنىكتەمە بەرىپ، ازاماتتاردى تەك رەسمي اقپاراتقا سەنۋگە شاقىردى، دەپ حابارلايدى aqshamnews.kz Stopfake.kz سايتىنا سىلتەمە جاساپ.
«سەيسمولوگيا ينستيتۋتىنىڭ باسپا ءسوز قىزمەتى حالىقارالىق سەيسمولوگيالىق ورتالىقتاردىڭ مالىمەتى بويىنشا 16 تامىزدا قازاقستان اۋماعىندا ماگنيتۋداسى 5،5-تەن اساتىن كۇشتى جەر سىلكىنىسىنىڭ بولجامى جوق دەپ مالىمدەدى. بارلىق تىركەلگەن سەيسميكالىق وقيعالار جەدەل تۇردە «112 KZ» Telegram-ارناسى جانە seismology.kz سايتى سياقتى رەسمي رەسۋرستاردا جاريالانادى»، دەلىنگەن حابارلامادا.
قازاقستاندىق سەيسمولوگتار ەل ازاماتتارىن ۇرەيلەنبەۋگە جانە سەنىمدى اقپارات كوزدەرىنەن الىنعان مالىمەتتەردى تەكسەرۋگە شاقىردى.
سونداي-اق بۇل قاۋەسەت اقپارات رەسەيلىك ساياساتكەر ۆلاديمير جيرينوۆسكييدىڭ مۇراعاتىنان تابىلعانى انىقتالدى.