جەڭىس كۇنى – سان مىڭداعان ۇرپاق ءۇشىن ۇلى مەرەكە. بيىل ادامزات تاريحىنداعى ەڭ سۇراپىل، جويقىن سوعىس – ۇلى وتان سوعىسىنىڭ اياقتالعانىنا 80 جىل تولىپ وتىر. بابالارىمىزدىڭ قانى، انانىڭ كوز جاسىمەن كەلگەن جەڭىستىڭ قۇنى جوعارى. زىمىراعان ۋاقىتتىڭ قاناتىندا مىنە، جەڭىستىڭ 80ء-شى كوكتەمى دە كەلىپ جەتتى. اتالمىش مەرەكەگە وراي، الماتى قالاسى، جەتىسۋ اۋدانىنا قاراستى №108 مەكتەپ-گيمنازياسىندا «جەلبىرەي بەر، جەڭىس تۋى، ماڭگىلىك!» اتتى ءىس-شارا وتكىزىلدى.
ماقساتى: ۇلى جەڭىستىڭ 80 جىلدىق مەرەكەسىنە وراي وقۋشىلاردى ءوز وتانىن، ەلىن، جەرىن سۇيۋگە، تاۋەلسىز ەلدىڭ تۋىن بيىككە كوتەرۋگە، ەلىمىزدىڭ باتىرلارىنىڭ مايداندا، تىلدا كورسەتىلگەن ەرەن ەڭبەگىن قۇرمەتتەۋگە، وتانىن قورعاي بىلۋگە تاربيەلەۋ.
بۇل ءىس-شارا وسكەلەڭ ۇرپاقتى پاتريوتتىق تاربيەلەۋدىڭ ماڭىزدى بولىگىنە اينالدى جانە باتىرلارىمىزدىڭ ولمەس ەرلىگىن ەسكە سالادى. سالتاناتتى جيىنعا «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ جەتىسۋ اۋداندىق فيليالىنىڭ ءتورايىمى شاكيروۆا تامارا مۋحتارحانوۆنا، ۇلتتىق قاۋىپسىزدىك كوميتەتىنىڭ شەكارا اسكەرلەرىنىڭ قۇرمەتتى ارداگەرى ەرتىشپايەۆ قازاقباي زەينۋلوۆيچ، گەنەرال-مايور، قازاقستان قارۋلى كۇشتەرىنىڭ وفيسەرلەر قوعامىنىڭ ءتوراعاسى تەلەگۋسوۆ ماحمۋد ۋتەگەنوۆيچ، اۋعان سوعىسىنىڭ ارداگەرى، پولكوۆنيك، قازاقستان قارۋلى كۇشتەرىنىڭ وفيسەرلەر قوعامىنىڭ ءتوراعاسىنىڭ ورىنباسارى حالافوۆ گابيل يمامەددينوۆيچ، جەتىسۋ اۋدانى مەكتەپتەرىنىڭ العاشقى اسكەري دايىندىق ءپانى مۇعالىمدەرى قاتىستى. بۇل ءىس-شارا وسكەلەڭ ۇرپاقتى پاتريوتتىق تاربيەلەۋدىڭ ماڭىزدى بولىگىنە اينالدى جانە باتىرلارىمىزدىڭ ولمەس ەرلىگىن ەسكە سالادى.
ۇلى وتان سوعىسىنداعى جەڭىستىڭ 80 جىلدىعىن مەرەكەلەۋ اياسىندا ۇلى وتان سوعىسىنىڭ باتىرى، گەنەرال-مايور تولەگەن توقتاروۆتىڭ ەسىمىمەن اتالعان كوشەدە مەكتەبىمىزدىڭ وقۋشىلارىنىڭ قاتىسۋىمەن مەموريالدىق تاقتا ورناتىلدى.
سونىمەن قاتار، ۇلى جەڭىستىڭ 80 جىلدىعىنا بايلانىستى "ۇرپاققا ۇران بولعان ۇلى جەڭىس" تاقىرىبىندا سۋرەت، ەسسە، كوركەمسوز وقۋ جانە پاتريوتتىق اندەر بايقاۋى وتكىزىلدى.
مەكتەپ باسشىسى ءالدىعازى رۋفينات بەكدايىر قىزى ءسوز سويلەپ، كەلگەن قوناقتارعا ريزاشىلىعىن ءبىلدىردى. مەكتەپ جوسپارىنا سايكەس ۇيىمداستىرىلعان سالتاناتتى ءىس – شارا اسەرلى ءوتتى!
جۇدىرىقتاي جۇمىلىپ، بىلەكتەي بىرىككەن مەكتەپ مۇعالىمدەرى مەن وقۋشىلارىمىزعا مىڭ العىس!
الماتى قالاسى، جەتىسۋ اۋدانى №108 مەكتەپ-گيمنازياسىنىڭ قازاق ءتىلى مەن ادەبيەتى ءپانى ءمۇعالىمى: بەرتيلەۋوۆا گ.ە.